ჟურნალისტი, არჩილ გამზარდია:
“ისე გაგვიცვდა თანამედროვე ქრისტიანებს ღმერთის რწმენა, მტკიცებულებად ცეცხლს ვეძებთ და მერე დაუსრულებლად ვკამათობთ ერთმანეთთან ამ ცეცხლის წარმოშობასა და ბუნებაზე.
განა, ღვთიური, მარტო ცეცხლია ქრისტიანისათვის? – ყველაფერი ხომ ღვთიურია, რაც კი არსებობს.
სასწაულებს ვეძებთ მცირედმორწმუნეობის გამო? რატომ? – გათენება რომ გათენებაა, ის ნაკლები სასწაული არაა; მძინარე შვილები რომ გაიღვიძებენ და მდუმარე ოთახებს სიცოცხლეს შთაბერავენ, ის რომელ სასწაულს არ ასასწაულებს.
ქრისტეს სასწაული მის ბუნებაშია.
როცა ვიცავთ ქრისტეს შეგონებებს, მაშინ გადმოდის ყველა ჩვენგანზე ღვთიური მადლიც, ნათელი და ბრწყინვალე.
სხვაგან ქრისტიანს ძიება არ სჭირდება.
მითუმეტეს წელიწადში ერთ დღეს რამის ლოდინი.
რა მნიშვნელობა აქვს, ცეცხლი საიდან მოდის და როგორია, თუ “უცეცხლოდ” ქრისტე არ იწამე, განა ცეცხლი შთაგაგონებს?
ჩემთვის ეს დღე სიმბოლოა, ქრისტეს მიცვალებულობის დროს სხივი მალე მისი მკვდრეთით აღდგომისა.
დარდიან დღეს იმედის მოცემისა, ქრისტეს იმედისა, რომელიც “ცეცხლის გარდამოსვლისას თუ კურთხევისას” ჯერ კიდევ საფლავის ქვაზე მყოფი ქრისტე გაიმედებს, რომ რამდენიმე საათში ის სიცოცხლეს გაზეიმებს, როგორც უწყვეტსა და მარადიულს.”
კომენტარები