ფრანგი ინტელექტუალი, პოლიტიკური ფილოსოფოსი და მწერალი ბერნარ-ანრი ლევიმ ვარშავაში გამართულ დაჯილდოების ცერემონიალზე, სადაც საქართველოს მესამე პრეზიდენტს პოლონეთის ერთ-ერთი უმაღლესი ჯილდო გადასცეს ქართველ ხალს მიმართა და თქვა:
“ის ახლა დატყვევებულია, როგორც ბერძენი პრომეთე. ვგრძნობ მის იარებს, როდესაც მის წერილებს ვკითხულობ, იარებს, რომლებიც მას თანდათან კლავს. მინდა მივმართო და გავაფრთხილო ქართველი ხალხი, ის ადამიანები, რომლებსაც აქვთ იმედი ევროპაში გაწევრიანების. უნდა იცოდეთ, რომ თუ მიხეილ სააკაშვილს რამე დაემართება, თქვენ ვერ შეხვალთ ევროპაში, უნდა იცოდეთ, რომ თქვენი დღევანდელი ხელისუფლების შეცდომების გამო ევროკავშირში გაწევრიანების შანსი დაიკარება. უნდა იცოდეთ, რომ თუ უარესი მოხდება, ყველაფერი დამთავრდება. მინდა მივმართო ყველას, ვინც პირდაპირ კავშირშია ამასთან, პრემიერ ირაკლი ღარიბაშვილს, პრეზიდენტ სალომე ზურაბიშვილს, ოლიგარქ ივანიშვილის, რომელიც ყველამ ვიცით, რომ სინამდვილეში ამ ყველაფრის თავშია, უნდა იცოდეთ, რომ გასაქცევი გზა აღარ დაგრჩებათ, უნდა იცოდეთ, რომ თავისუფალ სამყაროში, ევროპასა და ამერიკაში დაგაკავებენ იმის გამო, რაც შეიძლება დაემართოს სააკაშვილს. ისინი, ვინც გარისკავენ და დაუშვებენ მის სიკვდილს, პუტინის თანამზრახველები იქნებიან”, – თქვა ბერნარ ანრი ლევიმ.
დაჯილდოებაზე სიტყვით გამოვიდა მიხეილ სააკაშვილის დედა:
მიხეილი ციხეშია. ის მიყვება რომ გონებას კარგავს ყოველდღიურად. იმიტომ რომ ის მოწამლულია. მჯერა რომ იგი პუტინის ტყვეა. ჩვენ მივიღეთ მხარდაჭერა ევროპარლამენტისგან, ჰოლანდიისგან, უკრაინისგან და სხვა ქვეყნებისგან მაგრამ ეს არ მუშაობს, არაფერი მუშაობს. ჩემი შვილი და ლეხ კაჩინსკი მეგობრები იყვნენ. ისევე როგორც ჩემი რძალი სანდრა და მარია კაჩინსკა. ვიმედოვნებ ეს ჯილდო მაინც იმუშავებს და დაეხმარება მას რომ გადარჩეს.” აცხადებს მესამე პრეზიდენტის დედა, გიული ალასანია.
ცნობისთვის, 12 აპრილს საქართველოს მესამე პრეზიდენტს, მიხეილ სააკაშვილს პოლონეთმა ლეხ კაჩინსკის სახელობის პრომეთეს სახელობის ჯილდო გადასცა.
კომენტარები