“3,5 მლრდ დოლარს ეკლესიასთან საბრძოლველად გვაძლევენ?” – მეუფე იობი

რუის-ურბნისის მიტროპოლიტი, მეუფე იობი აცხადებს, რომ კორონავირუსი არ არის საშიში, ხოლო მრევლს ტაძარში მისვლისკენ მოუწოდებს.

ამის შესახებ მან დიდ ხუთშაბათს, 16 აპრილს, ქარელის საკათედრო ტაძარში ღვთისმსახურების შემდეგ ისაუბრა.

,,ლოცვა მთებს დასძრავს და ავადმყოფს განკურნავს. ტრამპი, ამერიკის შეერთებული შტატების პრეზიდენტი გამოდის ტელევიზიით, მოყავს პედაგოგები და მოსწავლეები, ათქმევინებს, რომ სკოლაში ლოცვა აუცილებელი არის. აი, ამ დასკვნამდე მივიდნენ” – აცხადებს მეუფე იობი.

მან საერთაშორისო დახმარებების შესახებ ისაუბრა და აღნიშნა, რომ სავალუტო ფონდი საქართველოს 3,5 მლრდ დოლარით ეხმარება, ეხმარება ასევე ქვეყანას ევროკავშირიც: ,,რის ხარჯზე” ყველაფერი ნათელია, ებრძვიან ეკლესიას” – აღნიშნავს მიტროპოლიტი.

2 კვირაზე მეტია მიტროპოლიტი თავის მრევლს ტაძარში სიარულისკენ მოუწოდებს.

წყარო – ქართლი.ჯი