“ოცნებამ” ბერბოკს კრიტიკულად განწყობილ სტუდენტები არ შეახვედრა – ახალგაზრდები წერილის გადაცემას ითხოვენ

ფოტო – ტვ პირველი

გერმანიის საგარეო საქმეთ მინისტრი ახალგაზრდებს შეხვდა. დახურულ კარს მიღმა, შეხვედრაზე შეიყვანეს მხოლოდ 30 სტუდენტი.

ის სტუდენტები კი, ვინც რუსული კანონის წინააღმდეგ გამართული აქციის ყველაზე აქტიური  იყვნენ გარეთ დატოვეს. სტუდენტები ბერბოკისთვის წერილის გადაცემას ითხოვენ, რადგან მიაჩნიათ, რომ “ქართული ოცნება” ბერბოკს კრიტიკულად განწყობილ სტუდენტებს უმალავს.

სტუდენტი, დავით სეხნიაშვილი, ტვ პირველთან, ამბობს:

„ის სტუდენტები, რომლებსაც გერმანიის საგარეო საქმეთა მინისტრი შეხვდება, იქნებიან არჩეულები ისე, რომ გაფილტრული ინფორმაცია მიაწოდონ მას იმ პროცესებთან დაკავშირებით, რომელიც 7-8 მარტს გაიმართა საქართველოში, რადგან სტუდენტები ვიყავით ზუსტად ის ძალა, რომლებმაც ეს ანტიევროპული და რუსული კანონი არ მიაღებინა სახელმწიფოს. შესაბამისად, ჩვენ ვაგზავნით წერილს. წერილი, რომელიც შეეხება იმაზე, თუ რა ხდება და რეალობა არის დღეს  საქართველოში თუ როგორი რეპრესიები მიმდინარეობს სტუდენტებთან“ 

გერმანიის საგარეო საქმეთ მინისტრის სტუდენტებთან შეხვედრა ცოტა ხნის წინ დასრულდა.