ამერიკის იუსტიციის დეპარტამენტი კრედიტ სუისის წინააღმდეგ – შვეიცარული ბანკი ფინანსურ სკანდალში ეხვევა. ახლა, ამერიკელი გამომძიებლები სწავლობენ, ეხმარებოდნენ თუ არა ბანკირები რუს ოლიგარქებს სანქციებისგან გვერდის ავლაში. ბანკი, რომელშიც ივანიშვილი წლებია საკუთარ მილიონებს ინახავს და ახლა უკვე ედავება კიდეც, სავარაუდოდ, დიდი დანაშაულების მონაწილეა.
ივანიშვილის ყოფილი ადვოკატი ვიქტორ ყიფიანი ამ საკითხზე “პირველების” კითხვებს გაექცა.
ოპოზიციაში ამბობენ, რომ ამ ბანკში 30 მილიარდი გაყინული იყო, ახლა კი, როცა კრედიტ სუისი სხვა ბანკს შეუერთდა, ბიძინა ივანიშვილს შეეძლება ტავისი ფული დაიბრუნოს, თუმცა არის ერთი ფაქტორიც, რომ დიდი ალბათობით, აღნიშნული ფულის წარმომავლობის თაობაზე გამოძება დაიწყება.
ეს ბანკი დიდი ხანია შემჩნეულია, რომ ემსახურებოდა რუს ოლიგარქებს. რუსი ოლიგარქებსი ფული ამ ბანკში არის გაყინული, 30 მილიარდი და ამ ფულს ბანკი ივანიშვილს იმიტომ ვერ უბრუნებდა, რომ ფინანსური პრობლემები ჰქონდა და არა იმიტომ, რომ ამ ბანკს აძალებს აშშ, რომ ივანიშვილმა ომი დაიწყოს რუსეთში და მერე დაუბრუნებენ. ეს ბანკი შეუერთდა ახლა სხვა ბანკს და ალბათ ეშველება ივანიშვილს და მისცემენ მის ფულს, მაგრამ გამოძიება დაიწყება ფულის წარმომავლობის თაობაზე”, – ამბობს რომან გოცირიძე.
“ოცნების” დეპუტატებისთვის კი გაუგებარია, თუ რატომ ახორციელებს აღნიშნული ბანკი ივანიშვილის წინააღმდეგ მათი თქმით, სრულიად უკანონო და გაუგებარ ქმედებებს.
ახლა საინტერესოა, მივა თუ არა გამოძიება ბიძინა ივანიშვილამდეც და რუსი სანქცირებული ოლიგარქების შემდეგ, დადგება თუ არა კითხვის ნიშნის ქვეშ მისი ფინანსებიც.
წყარო – ტვ პირველი
კომენტარები