“დაგვიჯერეთ ექიმებს – ეს 4 დღე კრიტიკულია, საუკუნეების მანძილზე არ ყოფილა მსგავსი ეპიდემია”

დაავადებათა კონტროლის ცენტრის ხელმძღვანელი, ამირან გამყრელიძე მთავრობის ადმინისტრაციის მიერ გამართულ ბრიფინგზე საუბრობს:

“ძალიან მიჭირს ამ თემაზე საუბარი, დღეს გადავაბიჯე ჩემს პატივმოყვარეობას და სამაგიეროდ არ გადავაბიჯე ჩემი ხალხის ინტერესებზე – და პირველად ვთქვი, ნუ წავალთ ლიტურიგიაზე, ნუ შევიკრიბებით.

საუკუნეების მანძილზე მსგავსი პანდემია არ ყოფილა, ყველაფერი უნდა გავაკეთოთ ამისთვის – და ერთი იარაღი გვაქვს მხოლოდ, არ შევიკრიბოთ.

ეს 4 დღე კრიტიკულია ქვეყნისთვის და მომავალი 7 დღეც ასევე, როცა ჩვენ ჩვენს მიცვალებულებთან მივდიოდით და მათ ვაგებდით პატივს, მაგრამ დამიჯერეთ ისინი ლოცულობენ, რომ ჩვენ არ დაგვემარტოს ის, რაც სხვა ქვეყნებს დაემართა, ჩვენ ქართველებს არ გვჭირდება ეს. ვიყოთ ფრთხილად 3-4 კვირის განმავლობაში, რომ ისევ და ისევ ასე დუნედ წავიდეს ინფიცირებულთა რიცხვის მატება.

დაგვიჯერეთ ექიმებს.

ერთად ვიზეიმებთ გამარჯვებას, ამ ძალიან დიდ გამოწვევაზე.”