“იურიდიულ წიაღსვლებს ლაგამი ამოსდეთ – 30 ვერცხლი და იუდა რამეზე გაფიქრებთ?”

თეოლოგი, იურისტი, ვარლამ ხათრიძე, სოციალურ ქსელში, წერს:

“ეკონომიკაზე ჩემი ექსპერტული რჩევები გინახავთ?
არა.
იმიტომ, რომ არ ვარ ამ დარგის სპეციალისტი.
სამედიცინო საკითხებზე თუ გინახავთ ჩემგან რჩევები?
არა.
იმიტომ, რომ მხოლოდ წნევის გაზომვის, ნევსის კუნთში, ვენაში გაკეთების და ზოგადად პირველადი დახმარების ელემენტარული ცოდნა მაქვს.
არც ქიმიური ლაბორატორიებიდან არ მაქვს ჩართული “ლაივები” და ჩემს ცდებს არ გაჩვენებთ.
რატომ? არ ვერკვევი და იმიტომ.
და ზოგადად ყველაფერს თავისი სპეციალური განათლება და გამოცდილება სჭირდება. შესაბამისად არიან ცუდი და კარგი სპეციალისტები.

ასეა ეკლესიაშიც.

იურისტების მსჯელობებს და წიაღსვლებს ვადევნებდი თვალს. ეკლესიაში აღდგომას მრევლის მისვლა კანონის დარღვევა იქნება და საერთოდაც ახლაც არღვევენ კანონს იქ სიარულითო.

მე მათ იურიდიულ ცოდნაში ეჭვი არ შემაქვს. მაგრამ ლოგიკურად რელიგიური საკითხების მიბმა და იურიდიული წიაღსვლები ერთობ უსუსურად გამოიყურება მარტივი მიზეზის გამო — არ იციან, არ ერკვევიან თეოლოგიურ საკითხებში. შესაბამისად როცა რაიმე საკითხში არ ერკვევი და მხოლოდ ლოგიკურად მსჯელობ, თან მტკიცებით ფორმატში ერთობ სასაცილო მდგომარეობაში შეიძლება აღმოჩნდე.

კანონის დაცვა აუცილებელია მაგრამ არ დაგვავიწყდეს კანონზე მთავარი რომ ადამიანია. ის, რომ კანონი ადამიანისთვის შეიქმნა და არა ადამიანი კანონისთვის. ეს მხოლოდ ლამაზი სიტყვების წყობა კი არ არის გააზრება სჭირდება. მით უფრო რაც მუდმივად ცვლას განიცდის გაუაზრებლად მინდობა და ჭეშმარიტებად გამოცხადება არ გამოგვადგება. გვახსოვს ბიბლიური მოსე ჩვ. წ.აღ-მდე XIII ს. მოღვაწეობდა. სინას მთაზე მიღებული ათი მცნება. რომელიც დღემდე უცვლელია ეკლესიაში. რატომ? ღვთისგანაა მოცემული და ამიტომაც 33 საუკუნეს გაუძლო. ახლა შეადარეთ კანონები, რომელიც 33 წლის წინ შეიქმნა რამდენჯერ შეიცვალა. ლოგიკა აი აქ განავითარეთ. იურიდიულ წიაღსვლებს ცოტა ლაგამი ამოსდეთ.
მეპურემ გამოაცხოს პური.
იმით აპელირება, რომ რწმენა მეც მაქვს და ეკლესიაში არ დავდივარო — ეს არ ნიშნავს, რომ ჭეშმარიტებას ღაღადებ.
პატივი ვცეთ მათ ვინც ცდილობს ღმერთთან ურთიერთობებს შენგან განსხვავებული ფორმით. თორემ სიბრიყვეს დრო აჩენს და შეიძლება შეგრცხვეთ მერე.

თქვენი ლოგიკით იუდას საქციელიც კი შეგიძლიათ გაამართლოთ და მაშინდელი ხელისუფლების ინტერესის გამტარებლად შერაცხოთ.

დღეს დიდი ოთხშაბათია იუდამ, რომ ქრისტე გასცა.

30 ვერცხლი და იუდა რამეზე გაფიქრებთ…”