“ჩვენ არ ვართ ბოგანო ხელისუფლება!” – საპატრიარქოში გამართული შეხვედრის დეტალები

ხელისუფლებამ საპატრიარქოს ღვთისმსახურების მინიმუმ ორი კვირით  შეჩერებისკენ მოუწოდა, თუმცა -უშედეგოდ.  “2020NEWS“მა საქართველოს საპატრიაქროში სასულიერო პირებსა და  მთავრობის წარმომადგენლებს შორის გამართული შეხვედრის  კულუარული დეტალები გაარკვია. შეხვედრაზე განსაკუთრებით აქტიურობდნენ პრემიერ-მინისტრი გიორგი გახარია და დაავადებათა კონტროლის ეროვნული ცენტრის ხელმძღვანელი ამირან გამყრელიძე. საპატრიარქო პოზიციებს არ თმობს.

“2020NEWS“-ის ინფორმაციით,  ამ შეხვედრაზე კორონავირუსის საფრთხიდან გამომდინარე, სააღდგომო ლიტურგიის წესის ცვლილებასთან დაკავშირებით შეთანხმება საერო და სასულიერო პირებს შორის ვერ შედგა. ეს კი იმას ნიშნავს, რომ  საქართველოს საპატრიარქო აღდგომის ღამეს საგანგებო მდგომარეობისა და კომენდანტის საათის შეზღუდვებს არ დამორჩილდება და ღვთისმსახურებას უცვლელი წესით ჩაატარებს.

ამ ინფორმაციას სააგენტოს თეოლოგი გიორგი ტიგინაშვილი, სანდო წყაროზე დაყრდნობით, აწვდის:

ტიგინაშვილის წყაროს ცნობით, ამ შეხვედრაზე პრემიერი  გახარია ღვთისმსახურებს უმტკიცებდა, რომ ხელისუფლების უპირველესი  ამოცანა საზოგადოების ჯანმრთელობაზე ზრუნვაა, ამიტომ სააღდგომოდ  ღვთისმსახურების ჩატარების წესის ცვლილება აუცილებელია. საპატრიარქოს წარმომადგენლები გახარიას პოზიციას არ იზიარებდნენდა  ღვთისმსახურების ჩატარების წესთან დაკავშირებით,  საკუთარ  ხისტ პოზიციას აფიქსირებდნენ.

“საკმაოდ სანდო კონფიდენციალურმა წყარომ გამანდო პერიპეტიები აღნიშნული შეხვედრისა. დაავადებათა კონტროლის ეროვნული ცენტრის  ხელმძღვანელი ამირან გამყრელიძე საპატრიარქოს  თხოვნით მოუწოდებდა, რომ მიეღოთ პრევენციული ზომა საქართველოს  ეკლესიის მესვეურებს. სწორედ იმის გათვალისწინებით, რომ სასულიერო  პირი არის დაინფიცირებული და ასეთი შემთხვევები, შესაძლოა, იყოს  სტიქიური. ერთ სასულიერო პირს 200-300 ადამიანის  დაინფიცირება ძალიან მარტივად შეუძლია.

ამ ხიფათის თავიდან არიდების მიზნით, ხელისუფლების წევრების მხრიდან  შეხევდრაზე იყო ხვეწნა-მუდარა საქართველოს კათალიკოს-პტრიარქის, მის მოსაყდრისა და სამდივნოს მისამართით, რომ  გაეთვალისწინებინათ ეს ფეთქებადსაშიში სიტუაცია, რომლის მიხედვით,  შესაძლოა, ეკლესია თავად აღმოჩნდეს უხერხულ მდგომარეობაში

წყარო ამბობს იმასაც, რომ შეხვედრაზე ყველაზე მეტად გიორგი გახარია  აქტიურობდა. ის ამბობდა, სახელმწიფო უხერხულ სიტაციაში არ უნდა ჩავარდეს. რომ ჩვენ არ ვართ ბოგანო და ვართ პასუხისმგებლიანი  ხელისუფლება, რომელიც ყველა მოქალაქეზე თანაბრად ზრუნავს და რომ  ყველა ინსტიტუცია ვალდებულია, რომ ეს გაითვალისწინოს“-, განაცახდა ტიგინაშვილმა.

შეხვედრაზე შედგა ერთადერთი შეთანხმება – სახელმწიფო ეკლესიას კორონავირუსის საინააღმდეგო სადენზიფექციო საშუალებებს კვლავ უსასყიდლოდ  მიაწოდებს.

ინფორმაციისთვის, საპატრიაქროში სასულიერო პიროებსა და მთავრობის წევრებს შორის შეხვედრა გუშინწინ გაიმართა. შეხვედრის შესახებ დეტალები საერო და სასულიერო პირების მხრიდან ამ დრომდე არ ხმაურდება.

2020ნიუსი