იაპონურ მედიაში ქვეყნის ჯანდაცვის სამინისტროს საიდუმლო ანგარიში გამოქვეყნდა, რომლის თანახმადაც ქვეყანაში კორონავირუსს შესაძლოა 400 ათასი ადამიანი ემსხვერპლოს. ამის შესახებ Reuters-ი წერს.
გამოცემის ინფორმაციით, ქვეყანაში, სადაც ტესტირება მხოლოდ სიმპტომების მქონე პაციენტებს უტარდება, ამ ეტაპზე ვირუსის 8 ათასზე მეტი შემთხვევაა დაფიქსირებული, დაღუპულთა რაოდენობა კი 200-ს უახლოვდება. სამინისტროს ანგარიშის თანახმად, სასწრაფო ზომების გარეშე, მსხვერპლის რაოდენობა გაიზრდება. ფილტვების ხელოვნური ვენტილაცია კი 850 ათას ადამიანს დასჭირდება.
გასული კვირების განმავლობაში იაპონიაში, განსაკუთრებით კი ტოკიოში COVID 19-ის ინფიცირების შემთხვევების სწრაფი ზრდა დაფიქსირდა. მთავრობამ დედაქალაქში საგანგებო მდგომარეობა გამოაცხადა.
კომენტარები