დღეს იმერეთში მიიღეს გადაწყვეტილება, რომ დაიკეტოს ქუთაისში 13 სასაფლაო და ზესტაფნში – 3.
დაიკეტება ამ სასაფლაოებამდე მისასვლელი ყველა გზა – ამბობს იმერეთში სახელმწიფო რწმუნებული.
გუშინ პრემიერმა განაცხადა, რომ დიდი ალბათობით, სასაფლაოები დაიკეტება.
რომელი სასაფლაოები დაიკეტება თბილისში და როდის, ამ კითხვით, დედაქალაქის მერიას მიმართა “ალიამ” – გვითხრეს, რომ ეტაპზე, არ მიუღიათ მთავრობისგან ინსტრუქცია სასაფლაოების დაკეტვის შესახებ.
თბილისში 56 სასაფლაოა მუნიციპალიტეტის მფლობელობაში, 30-მდე კერძო სასაფლაოა – ანუ, სასაფლაო, რომელიც განთავსებულია კერძო პირის ტერიტორიაზე, თუმცა, მათ ნებართვა აღებული აქვთ სახელმწიფოსთან და ემორჩილებიან კანონს სასაფლაოების შესახებ, სადაც გაწერილია, ადგილმდებარეობის, დაკრძალვის და შემდგომ მოვლის პირობები.
შესაბამისად, თუ მთავრობამ გადაწყვიტა, რომ სასაფლაოები უნდა დაიკეტოს, დაიკეტება კერძო სასაფლაოებიც.
“ალიამ” კითხვით მიმართა მთავრობის ადმინისტრაციას და როგორც კი გვიპასუხებენ, როდის გაიცემა მერიისთვის რეკომენდაცია და ვინ იქნება აღმასრულებელი, ვინ ჩადგენა სასაფლაოსკენ მიმავალ ყველა გზაზე – შსს-ს თანამშრომლები, თუ თავდაცვის – თქვენც მოგაწვდით განახლებულ ინფორმაციას.
ალია
კომენტარები