ლევან ჯავახიშვილი
„ალიას“ ესაუბრება ანალიტიკოსი გია ხუხაშვილი.
– ბატონო გია, თეა წულუკიანის და სალომე ზურაბიშვილის დაპირისპირებაზე რას იტყვით? საშინელი სანახავი იყო, წულუკიანმა საკუთარი სამინისტროს გენინპექციის თანამშრომლები რომ გააგზვნა პრეზიდენტის რეზიდენციაში და თითიდან გამოწოვილი მიზეზით, ფერწერული ტილოები ჩამოხსნეს და მუზეუმში წაიღეს.
– თეა წულუკიანისგან ჩვენ სხვა რამეს არც უნდა ველოდოთ, ასეთი ადამიანია. კომისარს ტყუილად ხომ არ ეძახიან. აქვს კიდეც კომისრის ფსიქოლოგია. ბოროტი ადამიანია, ელემენტარულად, რომელსაც თუ საშუალება მიეცა, რაიმე აგრესიულ ნაბიჯს გადადგამს. პრინციპში, მუდამ ესე იქცევა. მარტო სალომე ზურაბიშვილთან დაკავშირებით მოიქცა ასე? რამდენი ერთი ჩამოვთვალოთ მისი მარგალიტებიდან, იუსტიციის მინისტრობის პერიოდში იქნება ეს თუ კულტურის მინისტრობის დროს. საერთოდ, კულტურის სამინისტრო რა უბედურებაა 21–ე საუკუნეში?! როგორ შეიძლება, კულტურის პოლიტიკა ტარდებოდეს ქვეყნაში 21–ე საუკუნეში?! კულტურა მართლა თავისუფალი უნდა იყოს. შევარდნენ პრეზიდენტის რეზიდენციაში, ჩამოხსნეს სურათები და წაიღეს, ამ დროს იმ სურათების ავტორის ოჯახი აცხადებს, ის სურათები სადაც ეკიდა, კარგად ეკიდა და რას ერჩოდითო? წარმოგიდგენიათ, რა აბსურდში ვართ? კი, ბატონო, პრეზიდენტს არ გააჩნია აღმასრულებელი უფლებამოსილება, მაგრამ სახელმწიფოს მეთაურია და კულტურის სამინისტროს გენინსპექცია შეუშვეს პრეზიდენტის სასახლეში, კედლიდან სურათები ჩამოხსნეს და წაიღეს, მხოლოდ იმიტომ, რომ წულუკიანს პრეზიდენტის პოსტი არ მოეწონა „ფეისბუკზე“. ეს არის მარაზმი. მეტი რა კომენტარი უნდა გავაკეთო ამ ფაქტზე, არ ვიცი და წარმოიდგინეთ, უფრო უარესისკენ მივდივართ და ის რაღა იქნება.
კომენტარები