დღეს, 10 თებერვალს ზუგდიდის რაიონული სასამართლო ბადრი ესებუას აღკვეთ ღონისძიებაზე იმსჯელებს. პროკურატურამ სასამართლოს მიმართა ახალ ბრალთან დაკავშირებით, რომელიც ესებუას გუშინ წარედგინა. ბრალდება ცეცხლსასროლი იარაღისა და საბრძოლო მასალის შეძენა და შენახვას გულისხმობს. “ბრალდებულს დაკავებისას მაკაროვის სისტემის ცეცხლსასროლი იარაღი, საბრძოლო მასალა, თვითაღიარებული აფხაზეთის ე.წ. პასპორტი და რუსული რუბლი აღმოჩნდა”, – აცხადებს პროკურატურა.
ადვოკატი ამბობს, რომ ბადრი ესებუა ბრალის ამ ნაწილს აღიარებს და აცხადებს, რომ დაკავების დროს, სახლიდან ამოღებული იარაღი მას თავდაცვისთვის უნდოდა.
რაც შეეხება ბანკის ძარცვას, ბადრი ესებუა ბრალს არ აღიარებს და ამბობს, რომ ბანკის ფილიალში არ შეჭრილა.
კომენტარები