აშშ-ს მასაჩუსეტის უნივერსიტეტის ქართველი პროფესორი, ზურაბ გურული:
„ხუან გუეიდო ახსოვს ვინმეს?
მსოფლიოს წამყვანმა ქვეყნებმა აღიარეს მისი პრეზიდენტობა. ამერიკამ და დიდმა ბრიტანეთმა პატივით მიიღეს. მადურომ ცხადია არ დათმო; იბრძოლა. გვერდით დაიყენა თავისი ხალხის უმრავლესობა, ჯარი, პოლიცია და მოიგო. გაიმარჯვა ტიპმა, რომელმაც პოტენციურად მსოფლიოს ერთერთი უმდიდრესი ქვეყანა მშიერ მათხოვრად აქცია და საკუთარ ხალხს მომავალი მოუსპო. სწორედ იმ მომავალმომსპარმა ხალხმა აირჩია მადურო; ძალით თუ ნებით, მაგრამ აირჩია.
როგორ უპასუხა ამ ყველაფერს მსოფლიომ?
ჯერ იყოყმანა და მერე შეეგუა. ესპანეთმა, ბრაზილიამ და კოლუმბიამ უკვე აღადგინეს ოფიციალური პილიტიკური და ეკონომიკური ურთიერთობები მადუროს მთავრობასთან.
ოპოზიციამ გუეიდო დაივიწყა და ახალი სასოწარკვეთილი ილეთი სცადა დასავლური დემოკრატიების მოსახიბლად: ქალები პოლიტიკაში. სასწრაფოდ შექმნეს ქალთა ტრიუმვირატი ე.წ. გარდამავალი საპრეზიდენტო მმართველობისათვის, დაინორა ფიგუერას, მარიანელა ფერნანდესისა და აურისტელა ვასკესის სახით.
მადურომ თავის გენ-პროკურორ სააბს დაავალა და სამივეზე დაპატიმრების ორდერი გამოწერეს; პარალელურად ინტერპოლს გადასცეს მოთხოვნა მათ “მოსაძებნად”, რადგან სამივე ქალბატონი საზღვარგარეთ ცხოვრობს, ნორმალურ, დემოკრატიულ ქვეყნებში, ესპანეთსა და აშშ-ში.
რამდენად მნიშვნელოვანია ვენესუელა მსოფლიოსათვის?
ვენესუელას აქვს ნავთობის მსოფლიოში ყველაზე დიდი რეზერვები და ერთ დროს იყო მსოფლიოს ერთერთი უმდიდრესი ქვეყანა.
ამჟამად კი უმომავლო ჭაობია; მისი მოქალაქეები მექსიკის გავლით გარბიან აშშ-ში.
ხუან გუეიდო ახსოვს ვინმეს? ..
მადურო? … მადუროს მოკლავს ბოლოს ვინმე, თავისივე გარემოცვიდან, როცა დაბერდება და მოუცვდება კონტროლი. სხვასაც ხომ უნდა ფული და კაი ცხოვრება. ჯერჯერობით მყარად ზის, მაგრამ ასეთია ისტორიული ლოგიკა.
ვენესუელა?
ვენესუელა იყო და იქნება…“
კომენტარები