“შაბათის ეთერის” ინფორმაციით, შს მინისტრის, ვახტანგ გომელაურის ქალიშვილის, ანა გომელაურის ქმრის სახელზე გაფორმებულია ბიზნესკლასის ავტომობილები და ბინები ლუქს კლასის კორპუსებში.
ქონების ღირებულება, რომლის მფლობელიც 27 წლის შალვა ომსარაშვილი 2022 წელს გახდა, მედიის ცნობით, ჯამში მილიონ 700 ათას ლარს აღწევს. სანამ ახალგაზრდა გომელაურის სიძე გახდებოდა, გურჯაანში, სოფელ ნაურთალში მხოლოდ 6 ჰექტარ მიწის ნაკვეთს ფლობდა. წყარო შინაგან საქმეთა სამინისტროდან მედიას უყვება, რომ ძვირადღირებული მანქანები ომსარაშვილმა მინისტრი სიმამრისგან საჩუქრად მიიღო.
შინაგან საქმეთა სამინისტროს მომსახურების სააგენტოში, შალვა ომსარაშვილის სახელზე, სამი მანქანაა რეგისტრირებული, აქიდან ორი, 2022 წლის მოდელის ბიზნეს და ლუქს კლასის ავტომობილებია. ერთი ბოლო მოდელის “რენჯროვერ სპორტია”, მეორე კი “მერსედეს ლიმუზინი”. მხოლოდ ორი მოდელის სავარაუდო ფასი, 700 ათას ლარს სცდება. შინაგან საქმეთა მინისტრის სიძის, შალვა ომსარაშვილის სახელზე რეგისტრირებულია 2022 წელს გამოშვებული კიდევ ერთი ბიზნეს კლასის ავტომობილი.
შინაგან საქმეთა სამინსიტროს მომსახურების სააგენტოდან მოპოვებულ მონაცემებში წერია, რომ გომელაურის სიძე, 2022 წლის მანქანის სამ მოდელს ფლობს, თუმცა ბაზაში ორ მანქანას ერთი და იგივე სახელმწიფო ნომერი აქვს. ირკვევა, რომ ორიდან ერთი მანქანა შალვა ომსარაშვილმა გაასხვისა. გომელუარის სიძემ ბინა “სონეტ დეველოპმენტში” საჯარო რეესტრის მონაცემებით, სესხის გარეშე იყიდა. უძრავი ქონების სააგენტოს პორტალის მონაცემებით, აქ ახლა ერთი კვადრატული ბინის ფასი 2500 დოლარზე მეტია. 2022 წელს მინისტრის შვილზე ქორწინებიდან, მალავე, შალვა ომსარშვილის სახელზე კრწანისის ყოფილი სამთავრობო რეზიდენციის მიმდებარედ, 100 კვადრატული ბინა გადაფორმდა.
როგორ მოაგროვა ვახტანგ გომალაურის სიძემ ერთ წელიწადში, ერთი მილიონ 700 ათას ლარამდე ქონება, შს მინისტრი კითხვას არ პასუხობს.
კომენტარები