“ერთ ისტორიას მოვყვები – იმის თქმა საშინელი სირცხვილი იყო ჩემთვის” – მაკო გომური

მეოთხე კლასში ეგეთი დღე გამითენდა, რომ კლასგარეშეში(იყო ეგეთი საგანი) გაკვეთილი არ ვიცოდი.

ჩემი დების ფონზე იმის თქმა, რომ გაკვეთილი არ ვიცი, საშინელი სირცხვილი იყო ჩემთვის. ამას მოყვებოდა ფრაზები: აი, შენი დები როგორი კარგები არიან და ა.შ. ამიტომ საუკეთესო გამოსავალი იყო მუცლის ტკივილი.

დავდგი სპექტაკლი: ვერ ვსწორდები, ვტირი, ფეხებს ვერ ვშლი, ,,ფეჩთან’’ ვზივარ.

მოკლედ ისე მოხდა, რომ დუშეთის საავადმყოფოში ამოვყავი თავი, არადა მუცელი საერთოდ არ მტკივა.

ნუ შემოვიდა ექიმი, დამაწვინებს და მსინჯავს ხელით. რა თქმა უნდა, არც აქ დავზადნე და მუცლის რაღაც ადგილებზე ვეუბნებოდი, რომ მტკიოდა. და უცბათ ექიმის სიტყვები: -ბრმანაწლავი, სასწრაფოდ საოპერაციოა.

ვსიო, უკან დასახევი გზა აღარ მაქვს

დამაწვინეს იმ საღამოს, ამომაჭრეს, მესამე დღეს გამომწერეს სახლში.

უბრალოდ მეოთხე კლასის მერე სულ მინდოდა ამის მოყოლა და ახლა შანსი მომეცა.

მადლობა”

შეგახსენებთ, გასული წლის იანვარში, ახალგაზრდა ქალი, 35 წლის ფიქრია ბარბაქაძე ჰყვებოდა, რომ ახალციხის კლინიკაში ჩატარებული ოპერაციის შედეგად ექიმებმა ერთ-ერთი ორგანო, კერძოდ ფალოპის მილი ამოაჭრეს და უთხრეს, რომ შვილის გაჩენას ვეღარ შეძლებდა. მოგვიანებით კი აღმოჩნდა, რომ მართალია ოფიციალურად კი ჩაუტარეს ოპერაცია და საფასურიც გადაიხადა, მაგრამ მილი არ იყო ამოჭრილი.