NDI-ის კვლევის თანახმად, ევროკავშირისა და NATO-ში გაწევრიანების მომხრეთა რიცხვი გაიზარდა.
კვლევა აჩვენებს, რომ ევროკავშირის მხარდაჭერა 81 პროცენტამდე გაიზარდა, რაც იმის დასტურია, რომ საქართველოს მოქალაქეები ევროინტეგრაციის ერთგულნი რჩებიან.
თუმცა ასეთი მისწრაფებების მიუხედავად, მოსახლეობის უმრავლესობისთვის საქართველოს მთავრობა არაფერს აკეთებს ან საკმარისს არ აკეთებს საქართველოს ევროკავშირში გასაწევრიანებლად;
ორგანიზაციაში აღნიშნავენ, რომ ეკონომიკური გამოწვევების ფონზე, მოსახლეობას ყველაზე მეტად ფასების ზრდა/ინფლაცია, უმუშევრობა, სიღარიბე და დაბალი ხელფასები აწუხებს — სხვა გამოწვევები ახლოსაც ვერ მოდის ამ ჩამონათვალთან.
ყოველი მეორე მოქალაქე მიიჩნევს, რომ საქართველოს ეკონომიკა ცუდ მდგომარეობაშია, თუმცა უმრავლესობას, 51%-ს ეჭვი ეპარება, რომ საქართველოს მთავრობას ეკონომიკური პრობლემების მოგვარება შეუძლია.
გარდა ამისა, მთავრობის საქმიანობის დადებითი შეფასების 10-პროცენტიანი ზრდის მიუხედავად, მმართველი და ოპოზიციური პარტიების მიმართ მოსახლეობის უკმაყოფილება კიდევ უფრო გაიზარდა.
დეტალები: კვლევის თანახმად, საქართველოში ნატოს მხარდაჭერა სტაბილურად მაღალია და მას გამოკითხულთა 74% უჭერს მხარს.
NDI-ის ცნობით, ნატოს მხარდაჭერა ყველაზე დაბალი ეთნიკურ უმცირესობებშია — “არ ვიცი” პასუხების ხარჯზე, რაც გამოკითხულთა 47%-ს შეადგენს.
ევროკავშირში გაწევრიანების სასარგებლოდ ყველაზე დიდი პოზიტიური გარდატეხა უმცირესობათა დასახლებებში და ქართული ოცნების ამომრჩევლებში მოხდა.
კვლევის მიხედვით, მოსაზრებები გაყოფილია იმასთან დაკავშირებით, დაშორდა თუ დაუახლოვდა საქართველო ევროკავშირს.
ასევე, ქართული ოცნების მხარდამჭერებს უფრო მეტად მიაჩნიათ, რომ საქართველო ევროკავშირს დაუახლოვდა და მათი მესამედი ფიქრობს, რომ ქართული ოცნების მთავრობა ევროკავშირში გაწევრიანებისთვის საკმარისს არ აკეთებს.
კვლევა ჩატარებულია NDI-ის დაკვეთით CRRC საქართველოს მიერ და დაფინანსებულია დიდი ბრიტანეთისა და ჩრდილოეთ ირლანდიის გაერთიანებული
სამეფოს მთავრობის საგარეო, თანამეგობრობისა და განვითარების ოფისის კარგი მმართველობის ფონდის მიერ.
კომენტარები