“ხაზარაძე რატომ ვერ აიყოლიეთ?” – რაში ვერ აიყოლია ხაზარაძე მელიამ და რა ურჩია ნიკა მელიამ მცირე ზომის პარტიებს?

ნაციონალური მოძრაობის თავმჯდომარე, ნიკა მელია, ტელეკომპანია “ფორმულას” ეთერში, პასუხობს ჟურნალისტ, გიორგი თარგამაძის კითხვას იმის შესახებ, რა შეიცვალა 2021 წლის თვითმმართველობის არჩევნების და ოპოზიციური კოალიციის ჩამოყალიბების შემდეგ, როცა ოპოზიციურმა პარტიებმა, თბილისის მერობის კანდიდატად ნიკა მელიას წარდგენას დაუჭირეს მხარი და მამუკა ხაზარაძე ვიცე-მერობასაც დასთანხმდა, მისი გამარჯვების შემთხვევაში. ჟურნალისტმა გაიხსენა წალენჯიხის ოპოზიციონერი მერის ინიციატივა, მოეხდინა მცირე ბიუჯეტიდან, პირველკლასელთა კვების დაფინანსება და გაახსენა ნიკა მელიას, რომ მასაც ჰქონდა ამ ტიპის ინიციატივა, თუმცა, ამაზე აღარ საუბრობს. გიორგი თარგამაძემ ჰკითხა ნიკა მელიას, რატომ აღარ ჩანს ოპოზიციური კოალიცია ისევ ერთად და ხომ არ იქონია ამაზე გავლენა იმან, რომ მიხეილ სააკაშვილის საქართველოში ჩამოსვლის შემდეგ, ისინი სწორედ მიხეილ სააკაშვილს აღიქვამენ პარტიის ლიდერად და არა ნიკა მელიას.

ნიკა მელია:

-რაზე ვკამათობთ, მიხეილ სააკაშვილი ციხეში ცვლის მოცემულობას და ვერც საბავშვცო ბაღებში კვებაზე დიდი ხანი ვერ ვილაპარაკებ. ლიდერია, დამფუძნებელი, თუ მესამე პრეზიდენტი, რიგითი წვერიც რომ იყოს, მომაკვდავ მდგომარეობაში რომ არის, ეს დღის წესრიგს გვიცვლის. 2022-2023 წელი არჩევენები არ იყო. აბა არჩევნები ყოფილიყო?

გიორგი თარგამაძე:

-თქვენ ხომ მოუწოდეთ რიგგარეშე არჩევნებისთვის ერთად ვიბრძოლოთო. მაგალითად, ხაზარაძე რატომ ვერ აიყოლიეთ?

ნიკა მელია:

-კოლეგიალური ურთიერთობა ახლაც მაქვს, მაგრამ არის ფაზები, სადაც ყველაფერი ისე არ არის, როგორც თქვენ ახლა აღწერეთ. 2003 წლის 23 ნოემბრამდე აქციები მუდმივი იყო? გახსოვთ ხალხმრავალი აქციები? ვერ გაიხსენებთ. ყველა ერთად რომ აიღო ის ადმაიანი, გააერთიანო, იმის 20 პროცენტი ქუჩის აქციების და ბიძინა ივანიშვილისთვის კრიზის შექმნის თვალსაზრისით არ გაუკეთებიათ, რაც მე სოლო პოლიტიკური აქტივობით გავაკეთე.

გიორგი თარგამაძე:

-რეალურად, თქვენ გქონდათ მცდელობა ბოლო წლების განმავლობაში, ამ პარტიის ლიდერად ჩამოყალიბების…

ნიკა მელია:

-რა გინდათ ახლა, დამაპირისპიროთ და ვთქვა, მიხეილ სააკაშვილი რომ ჩამოვიდა, სხვა ოპოზიციური პარტიის ლიდერები დარწმუნდნენ რომ პარტიის ლიდერი არის მიხეილ სააკაშვილი და ნაციონალურ მოძრაობასთან აღარ თანამშრომლობენ? ვერ გავიგე ლოგიკა.

გიორგი თარგამაძე:

-ლოგიკა არის ამაში, მის შემდეგ თქვენი თანამშრომლობა არ მინახია.

ნიკა მელია:

-თანამშრომლობა კი არა, პირიქით, ჩემი რჩევა და რეკომენდაცია იყო, როგორც მცირე ზომის პარტიები, გახდით მომდევნო თვეებში უფრო თვითმყოფადები, შეიძინეთ მეტი ელექტორატული ძალა.