ცოტა ხნის წინ მცირე ინციდენტი მოხდა ქობულეთში, სოფელ გვარას გამშვებ პუნქტთან, სადაც სასწრაფო სამედიცინო დახმარების ჯგუფს საეჭვო სიმპტომების პაციენტები დაეკარგა და ექიმებმა დახმარება ადგილზე მყოფ ჟურნალისტებს სთხოვეს, ამის შესახებ ინფორმაციას „ტვ პირველი“ ავრცელებს.
ადგილზე მგონი სასწრაფო სამედიცინო დახმარების ჯგუფის ექიმი ამბობს, რომ ოჯახს დიდი ხანია სიცხეები აქვთ და შესაძლოა დაინფიცირებულებიც იყვნენ.
აჭარის ჯანდაცვის სამინისტროში ამბობენ, რომ სასწრაფო სამედიცინო დახმარების ჯგუფმა სოფელ გვარადან კორონავირუსზე 4 საეჭვო სიმპტომების მქონე პირი სამედიცინო დაწესებულებაში გადაიყვანა, ტრანსპორტირებისას მცირე ინციდენტს ჰქონდა ადგილი, თუმცა მალევე მოგვარდა.
„ორი საეჭვო პაციენტი სასწრაფოს ავტომობილში იმყოფებოდა, ხოლო ორი კერძო ავტომობილით გადაადგილდებოდა, რა დროსაც ავტომობილში მყოფებს ბლოკპოსტზე შეფერხება მოუწია.
როდესაც მედიკოსებმა შეამჩნიეს საეჭვო პაციენტები უკან არ მიყვებოდნენ, უკან დაბრუნდნენ. Covid-19-ზე საეჭვო სიმპტომების მქონე ორი პაციენტი მალევე იპოვეს“
“ალია” – რატომ გადაჰყავდა კერძო ავტომობილით ორი საეჭვო პაციენტი ჯანდაცვას, მით უფრო პოლიციის თანხლების გარეშე, რატომ მისცეს ბლოკპოსტზე მდგომ შსს-ს თანამშრომლებს სავარაუდო ინფიცირებულებთან კონტაქტის უფლება – ჯანდაცვის სამინისტროს ამაზე ჯერ კომენტარი არ გაუკეთებია.
ისევე, როგორც, არ უთქვამთ, რამდენი წუთით დაკარგეს პაციენტები, რომლებიც კერძო ავტომობილით გადაჰყავდათ და ბლოკპოსტიც არ ჰყავდათ გაფრთხილებული.
კომენტარები