ანტისაოკუპაციო მოძრაობის ლიდერი, დავით ქაცარავა:
მოგეხსენებათ, ოკუპაციის ხაზს 4 რეგიონი ესაზღვრება – მცხეთა-მთიანეთი, შიდა ქართლი, ზემო იმერეთი და ზემო რაჭა.
აქედან პოლიცია დგას მხოლოდ შიდა ქართლში, ოკუპირებული ახალგორისა და სინაგურის საკონტროლო-გამშვებ პუნქტებთან.
ფაქტობრივად, 3 რეგიონის მოსახლეობის 99%დარჩენილია ყოველგვარი დაცვის გარეშე.
ოკუპაციის ხაზის სიგრძე სამაჩაბლოს ირგვლივ შეადგენს 418კმ-მდე, რომლის უდიდესი ნაწილი როგორც უკვე ავხსენი, ყოველგვარი ყურადღების გარეშეა დარჩენილი და სადაც ოკუპანტები ყველაზე კომფორტულად გრძნობენ თავს.
ბოლო თვეების პატრულირებამ გამოავლინა რამდენიმე ფაქტი.
საოკუპაციო რეჟიმმა შეამცირა პატრულირება ზუსტად იმ სამ რეგიონში, სადაც აქამდე მათი ხელის შემშლელი არავინ იყო და გააქტიურა შიდა ქართლის პერიმეტრის კონტროლი.
ოკუპანტების პატრულირების რაოდენობა შემცირდა იმის ფონზეც კი, როდესაც საოკუპაციო რეჟიმმა განაახლა აქტიური საუბრები, განცხადებები და გარკვეულწილად სამზადისი 208 კვადრატული კილომეტრის საოკუპაციოდ.
ზემოთხსენებული 208 კვადრატული კილომეტრის ოკუპაცია გულისხმობს იმ ტერიტორიის წართმევას, რომელიც თვით სეპარატისტების ბოსების, ხუილოს რეჟიმს აღიარებული აქვს საქართველოს ტერიტორიად.
მხოლოდ სექტემბერ-ოქტომბერში შიდა ქართლში ორკებმა მოაწყვეს 3 საგუშაგო და 9 ლოკაციაზე აწარმოეს ბორდერიზაცია.
ორკების რაოდენობა ოკუპირებულ სამაჩაბლოში მკვეთრად შემცირებულია.
უკრაინაში ორკებს უდიდესი პრობლემები აქვთ და როგორც ჩანს, იქეთ ჰყავთ გადასროლილი ოკუპანტების ძირითადი შენაერთები.
დიდ იმედს ვიტოვებთ, რომ მათი სრული შემადგენლობა უკრაინული მიწის სასუქად იქცევა.
შენიშვნა: ფოტოზე ოკუპანტები კი არა, ჩვენ ვართ
კომენტარები