“ამან შეიძლება მიგვიყვანოს სიკვდილამდე, დიახ, ეს განცხადება კატეგორიულია” – ექიმი სააკაშვილზე

ამერიკელი გასტროენტეროლოგი, სტიუარტ ფინკელი ამბობს, რომ შექმნილი მდგომარეობის გათვალისწინებით, მიხეილ სააკაშვილის სიკვდილი შესაძლებელია.

თბილისის საქალაქო სასამართლოში მიმდინარე პროცესზე, ამერიკელ გასტროენტეროლოგს, სტიუარტ ფინკელს მიხეილ სააკაშვილის ადვოკატმა შეკითხვა დაუსვა – იმ ტიპის მკურნალობით, რასაც სააკაშვილს საქართველოში უტარებენ და გასტროენტეროლოგიური დიაგნოზების გათვალისწინებით, შესაძლებელია თუ არა დადგეს სიკვდილი, თუ არ გაეწევა კვალიფიციური მკურნალობა დასავლურ კლინიკაში,

ექიმი ფინკელი პასუხობს:

“ჩემი პასუხი ამ კითხვაზე არის დიახ. წონის 47%-იანი კლება, რომელიც სახეზე გვაქვს და გრძელდება, თუ არ იქნება შესაბამისად დიაგნოსტირებული და ნამკურნალები, ამან შეიძლება მიგვიყვანოს სიკვდილამდე”

ადვოკატის დამაზუსტებელ კითხვაზე, რამდენად კატეგორიულია ეს პოზიცია, ფინკელი პასუხობს- “დიახ, კატეგორიულია”.

შეგახსენებთ, თბილისის საქალაქო სასამართლოში მიხეილ სააკაშვილისთვის სასჯელის გადავადების, ან გათავისუფლების შუამდგომლობაზე მორიგი პროცესი მიმდინარებს, სადაც იკითხება ამერიკელი გასტროენტეროლოგი სტიუარტ ფინკელი.