“ცოლად ვიღაც იმიტომ რომ მოგყავს, კომერციული ფართი მოყვება, ის ფართი რომ დაიკარგოს, მთელი ცხოვრება გაძლებას ეხუმრები?” – ლევან ჯიქური

კასპში მოღვაწე მღვდელი ლევან ჯიქური:

“მე არასდოს ვყოფილვარ თანამდებობაზე, მდიდარი, გავლენიანი და რაღაცნაირად ამ საშობაოდ მომინდა მადლობა მეთქვა იმ ადამიანებისთვის, ვინც არიან ჩემს გვერდით. ვფიქრობ ასეთი უანგარო ურთიერთობები, ძალიან დასაფასებელია ეპოქაში-სადაც ადამიანთა უმრავლესობა სიტყვას არ ამბობს, ნაბიჯს არ დგავს, არ იღიმის, თუ იქიდან რაიმე სარგებელს არ ელის. როცა გამორჩენისთვის ირჩევენ მეგობარს, მრევლს, მეუღლეს. ცოლად ვიღაც იმიტომ რომ მოგყავს კომერციული ფართი მოყვება, ის ფართი რომ 5 წელიწადში დაიკარგოს, ასე მოყვანილი ცოლის მთელი ცხოვრება გაძლებას ეხუმრები? სადაც შინაგანად ძვირფასი ადამიანები, რომელთაც თუ არ აქვთ თანამდებობა, ფული, გავლენა არაფრში სჭირდებათ. და სწორედ ეს ანგარებით აგებული ურთიერთობი მართებს ადამიანს ნერვოზს, შფოთებს, მოწყენილობას, უიმედობას, იმედგაცრუებას, იმიტომ რომ ისინი შენთან იმ რაღაც მატერიალურისთვის არიან, თუ ის დაკარგე ესენიც მიგაგდებენ. შენც ადამიანობისთვის უნდა დაუახლოვდე ადამიანს. და რომ არ მოტყუვდე კიდე, ურთიერთობის აგებამდე უნდა გაანალიზო ეს მე ადამიანობისთვის მიახლოვებს, თუ ჩემი ამქვეყნიური რომელიღაც დიდებისთვის. ანგარებიანთან ერთად ყოფნას ხო მარტო ყოფნა ჰჯობს. გილოცავთ, უანგარო ურთიერთობს გისურვებთ.”