დეპუტატი, “კანონი და სამართალის” ლიდერი, თაკო ჩარკვიანი:
გადაიყვანეთ მიხეილ სააკაშვილი!- ხელისუფლებას მივმართავ! სირცხვილია!
ამ ქვეყანას თავს ნუ მოჭრით! აღარ არის საუბარი- ვის რა მოსწონს; ჩვენი თანამოქალაქეები არაინ აქ, ვინც განიცდის, რომ ყოფილი პრეზიდენტი შეიძლება შემოგვაკვდეს! დიდი სამარცხვინო „ლაქა“ იქნება საქართველოსთვის! ამის დაშვება არ შეიძლება!
ერთხელ ვთქვი,- მკვლელთა ხელისუფლება თუ არ ხართ მეთქი და უკვე ეჭვი მეპარება „მგონი“ კი არა, ნამდვილად ხართ! წარმოუდგენელია ასე ექცეოდენ პრეზიდენტს! აწინაურებთ მურუსიძეს, ვისაც ხელი აქვს მოწერილი ყველა იმ „საქმეზე“, რის გამოც მიხეილ სააკაშვილს „ასამართლებთ!“ მურუსიძეს ხელი აქვს მოწერილი „გირგვლიანის საქმეზე“, ხოლო სააკაშვილს შეწყალებას ედავებით! აქ ძალიან დიდი განსხვავებაა. მურუსიძე სასამართლო სისტემის პირველ პირად აქციეთ! ნონსენსია! პარადოქსია!
ეს პერიოდი ისტორიაში შევა, როგორც აღვირახსნილი, კანონის ჩარჩოდან გასული სამარცხვინო პერიოდი!
გადაიყვანეთ ეს ადამიანი საზღვარგარეთ შესაბამის კლინიკაში, „საქმე“ გადაავადეთ და მერე ვისაუბროთ ყველას „ქეისზე“, ოღონდ რეფორმირებული სასამართლოს წინაშე; არა შერჩევითი სამართლით, არა მურუსიძე-ჩინჩალაძის ხელმძღავნელობით. დაიდოს უკლებლივ ყველას „ქეისი“! დაიდოს, თქვენი მოღვაწეობის „ქეისიც“ და მიხეილ სააკაშვილის მოღვაწეობისაც.
ერთხელ ვიხუმრე- მე ისეთი იღბალი მაქვს, თქვენი დაცვა მომიწევს მეთქი; მე ყველა ქართველი მენანება და ადამიანებს ვიცავ; მგონი თქვენ ვეღარ დაგიცავთ! იმიტომ, რომ საზარელ მდგომარეობაში მოიყვანეთ ქვეყანა! მშიერი და გაუბედურებულია ხალხი, თავად კი გაუმაძღარ მდგომარეობაში იმყოფებით!
არასახელმწიფოებრივი აზროვნება, პარალიზებულ ქალაქში „საცობები“! რა უბედურება გჭირთ!?!
2012 წელს ეს დაკვეთა ჰქონდა საზოგადოებას?! ხალხის დაკვეთა იყო, რაც კარგი იყო სახელმწიფოებრივი ის დარჩენილიყო, ხოლო სამართლებრივი სისტემა შეცვლილიყო; თქვენ დატოვეთ ის სისტემა და ყველა სახელმწიფო ინსტიტუცია თავზე ჩამოგვალეწეთ!
ხომ ხედავთ, რომ უკმაყოფილო ხალხის „ტალღა“ იზრდება, ბრმები არ ხართ; დღეს ქალაქში ორი საპროტესტო ლოკაცია იყო და ხალხი რეგიონებიდან არ ჩამოსულა; ეს „ტალღა“ კიდევ მოიმატებს.
გამოსავალი ერთია- სასწრაფოდ გადაიყვანეთ სამკურნალოდ სააკაშვილი, ვეყრდნობი ცნობილი ამერიკელი ექსპერტ-ტოქსიკოლოგის დასკვნას, რომ სააკაშვილის ორგანიზმში არის მომწამვლელი, მძიმე მეტალები.
ჩვენ ხომ ვიცით საქართველოში რა შესაძლებლობებიც არის?! თუ აქ ყველაფერი რიგზეა, რატომ მკურნალობთ თქვენ თავად სხვაგან?! ესეიგი, რაღაც გვაკლია , არა?! იმიტომ კი არა, რომ ცუდი ექიმები გვყავს, იმიტომ, რომ ცუდი ეკონომიკა გვაქვს! იმიტომ, რომ თქვენ მომპარავები ხართ, კორუფციაში იხრჩობით… ამიტომ არის მედიცინა ჩვენთან ცუდ მდგომარეობაში, თორემ ძალიან კარგი ექიმები გვყავს
დროულად გადაიყვანეთ სააკაშვილი, ვიდრე ხალხმა არ შემოგინგრიათ მთავრობის სახლის კარები!
ხალხმა თუ საბოლოოდ იგრძნო, რომ იქ მკვლელთა ხელისუფლება ზის, უთუოდ შემოგიმტვრევთ კარებს! ეს არის ჩემი ბოლო გაფრთხილება!“
კომენტარები