“დამსხვრეული ოცნებების გალერეა” – რა ფოტოს აქვეყნებს სალომე სამადაშვილი

2005 წელს, როდესაც ევროკავშირში საქართველოს ელჩად დავინიშნე, ჩვენი დიპლომატიური მისია ერთ პატარა, გარეუბანში მიკარგულ და ნაქირავებ საცხოვრებელ სახლში იყო განთავსებული. წლების მანძილზე ქირასაც ვერ ფარავდა გაკოტრებული სახელმწიფო.

ჯერ უკეთესი შენობა ვიქირავე, მაგრამ ოცნება ჩვენი ქვეყნისთვის საკუთარი შენობის შეძენა იყო. ბედნიერი ვარ, რომ ჩემი მუშაობა ელჩის თანამდებობაზე ისე დავასრულე, რომ ამ მიზნის განხორციელება მოვასწარი. საგაგებოდ დიდი შენობა შევარჩიეთ-მომავალში ევროკავშირში გაწევრიანების პროცესის წინსვლა ხომ თანამშრომლების რაოდენობის გაზრდასაც მოითხოვდა.

ვერ წარმოვიდგენდი, რომ წლების შემდეგ ევროკავშირში გაწევრიანების კანდიდატის სტატუსის გარეშე დარჩენილი საქართველოს მოქალაქეები, ამ შენობის წინ, იმ პრეზიდენტის სიცოცხლის გადარჩენას მოითხოვდნენ, რომლის ხელისუფლებამ გაკოტრებულ სახელმწიფოს ევროპული მომავლის შანსი მისცა.

დამსხვრეული ოცნებების გალერეა.”