“სამარცხვინო კაცია! გრაფ მონტე კრისტოს ამბავი მულტფილმადაც არ აქვს ნანახი!” – ლორთქიფანიძე

პოლიტოლოგი, ლევან ლორთქიფანიძე:

“ყველამ ვიცით, ჩვენც და მთელმა მსოფლიომაც, რომ სააკაშვილის მმართველობა იყო ავტორიტარული რეჟიმი, ერთპიროვნულმა მმართველმა კი ხელისუფლებაში ყოფნის დროს უამრავი დანაშაული ჩაიდინა (მოდერნიზაციის ერთი-ორი პროექტის განხორციელებასთან ერთად). დანაშაულთა უმცირესი ნაწილი ყველა ინსტანციის მიერ არის აღიარებული.

რა გახდა, რომ დამნაშავე ჩაეგდოს ციხეში (ციხეში თუ არა ოროთახიან პალატაში) და მოიხადოს თავისი მსჯავრი! თავმოყვარე ადამიანისთვის სულ ოდნავ გამბედაობა, ერთი მისხალი თავმდაბლობა და გამჭრიახობის ნატამალიც კი საკმარისი იქნებოდა სასჯელის მშვიდად მოსახდელად! მაგრამ სამარცხვინო კაცია! ბავშვობაში გრაფ მონტე კრისტოს ამბავი მულტფილმადაც არ აქვს ნანახი!

ჩემთვის შანთებით ტანჯვის ტოლფასია იმის გაცნობიერება, რომ დღეს მთელი ქვეყანა დიდიც და პატარაც, ხელისუფლების წარმომადგენლებიც და ოპოზიციონერებიც პირდაღებული უყურებენ იუსტიციის სამინისტროს მიერ გავრცელებულ ამაზრზენ კადრებს (რომელთა გასაჯაროვებაში სააკაშვილის იდიოტ თანაპარტიელებს და ოჯახის გამოჩერჩეტებულ წევრებსაც ლომის წილი მიუძღვით) და მომავალი ერთი კვირის განმავლობაში ერი და ბერი ამ საზიზღარი ვიდეოს გარჩევით იქნება დაკავებული.

ამასობაში კი, ზოგიერთ სკოლაში დილაობით ბავშვებს შიმშილისგან გული მისდით!”