არქი აგრძელებს არქელებზე ზრუნვას და სპეციალურად თავისი დიდი ოჯახის წევრებისთვის 15 იანვარს, სპორტის სასახლეში ლეგენდარული ჯიფსი კინგსის სოლისტის, Manolo the Voice of the Gypsies კონცერტს გამართავს.
არქელების დიდი ოჯახი ამ ეტაპზე 25 000-ზე მეტ წევრს აერთიანებს. არქელებზე ზრუნვა კომპანიის მთავარი პრიორიტეტია, სწორედ ამიტომ საახალწლოდ არქიმ მაცხოვრებლებისთვის უპრეცედენტო ღონისძიების ჩატარება გადაწყვიტა.
„არქი მხოლოდ დეველოპერული კომპანია არ არის, ეს ერთი დიდი ოჯახია. ჩვენი კომპანიის მთავარი პრიორიტეტი არქელებზე ზრუნვა და მათთვის სასიამოვნო გარემოს შექმნაა. ხშირად ვმართავთ ღონისძიებებს, გვინდა არქელები ერთმანეთს გავაცნოთ და მათთან ერთად ბევრი პოზიტიური მოგონება დავაგროვოთ. სწორედ ამიტომ, საახალწლოდ გადავწყვიტეთ უპრეცედენტო სიურპრიზის მოწყობა და სპეციალურად არქელებისთვის ჩამოგვყავს ჯიფსი კინგსის სოლისტი Manolo the voice of the Gypsies,
რომელიც ყველასთვის საყვარელ ჰიტებს შეასრულებს.“ _ აცხადებს არქის გენერალური დირექტორი შიო ხეცურიანი.
კომპანიამ არქელებისთვის უკვე არაერთი ღონისძიება გამართა. მასშტაბურობით გამოირჩეოდა ფილარმონიის საკონცერტო დარბაზში გამართული სუხიშვილების კოცნერტი. ასევე, ივნისში მცხეთაში დათო გომართელისა და შვიდკაცას კონცერტი გაიმართა, ხოლო სექტემბერში კლუბ „ანდერვილში“ გამართულ ღონისძიებაზე არქელებისთვის ლელა წურწუმიამ და ბენდმა იმღერეს.
არქი საახალწლოდ ყოველთვის ზრუნავს მაცხოვრებლების განწყობაზე, საზეიმოდ ირთვება ყველა კომპლექსის ეზო და არქელებისთვის ბევრი სხვადასხვა საახალწლო სიურპრიზი მზადდება.
კომენტარები