“სიკვდილის არ გვეშინია – აქ სიკვდილის გვეშინია, მაგრამ “დედა” ყოველდღე გვეხმარება და გვაძლებინებს” – ემიგრანტები იტალიიდან

იტალიაში მცხოვრები ემიგრანტი, თინათინ ხარაზიშვილი, სოციალურ ქსელში, წერს:

“დავწერე….წავშალე,
დავწერე….წავშალე, უკვე მერამდენედ…

არ შემიძლია არ მოგიყვეთ:
იტალიაში ახლა როდესაც მძიმე პერიოდი გვიდგას, ზოგ იღბლიანს კარგი სამსახური აქვს, ზოგს ჩემსავით “უმუშევრობას რომ ჯობია”-სამსახური, დილით თვალის გახელას რომ გირჩევნია “სულაც არ გამღვიძებოდა”. ახალ ამბებს შიშით ვუსმენთ, ირგვლივ ყველაფერს ვსპირტავთ, არა, სიკვდილის არ გვეშინია, ჩვენ – აქ სიკვდილის გვეშინია.
ბევრი უმადური ქართველიც ვიხილეთ ტელევიზიით, ყვებიან, რომ უმუშევრები არიან და წყლის ფულიც არ აქვთ, მე ეს არ მჯერა, აქ ყველა ცხოვრობს ბინაში რომელსაც ყავს პატრონი ე.წ.დამსაქმებელი, უმრავლესობა ქართველები არიან და ამ დამსაქმებლებს ისე აქვს სახელი გატეხილი, თხოვნაზე მოკრძალებული უარი მივიღე, მინდა გითხრათ რომ ყველა ერთნაირი არაა, კითხვების გარეშეც მივხვდი რამდენი რამ იცით დამსაქმებლების შესახებ და რამდენად უარყოფითად აფასებთ მათ საქმიანობას, მაგრამ მეგობარო ახლა ცოტას მე მოგიყვები:
ჩვენ, ბინის ქალები მას “დედას”ვეძახით, უფროსიც და უმცროსიც, მაშინ როცა ქ.ნაპოლში ნერვიულ ფონზე შეიძლება ჭკუიდან შეიშალო ქ.ნ დიანა იმერლიშვილი რომელსაც ბინაში 15 მდე ქალი ყავს უმუშევარი, საკუთარ თავზე იღებს მათ დახმარებას, არც წყალი აკლიათ და არ შიათ, არც ბინის ფული გამოურთმევია. დიანამ შექმნა ფც ჯგუფი “ერთგულება”სადაც მხოლოდ ჩვენ ვართ გაწევრიანებულები, ყოველ საღამოს გვიან წერს სიმღერას (კარაოკე) დებს ამ გვერდზე და გვწერს რომ ყველაფერი კარგად იქნება, ამყევით ვიმღეროთო. ასე გვილამაზებს დღეებს და ეს ემოცია არ შეიძლება მთელი დღე არ გაგყვეს, (მეც კი, ჩემი ბებოს ხელში ღიღინით დავდივარ სახლში მთელი დღე)

ბოლოს მინდა გთხოვოთ ყველას ერთნაირად ნუ შეაფასებთ, დამსაქმებლებო მიბაძეთ დიანა იმერლიშვილს, ნუ ხართ უთოფო ყაჩაღები, მეგობარ ჟურნალისტს არ უნდოდა არაფრის დაწერა დამსაქმებელი რომ ვახსენე, ეს თქვენს გამო, ზოგიერთი გაუმაძღარის გამო რომელიც ნახევარს და მეტს ითხოვს ხელფასიდან, მეც მეგონა საქართველოში არ იცოდნენ, ყველამ იცის თურმე ყველაფერი, შეგრცხვეთ ვისაც გეხებათ.

ჩემი უღრმესი პატივისცემა დიანას, საუკეთესო ხარ საუკეთესოთა შორის, ერთგული და კეთილი. რამდენი რამის მოყოლა შემიძლია მაგრამ არ გავაგრძელებ. უფლის წყალობას და ჯანმრთელობას გისურვებთ ყველას”