„ნაციონალური მოძრაობის“ პოლიტსაბჭოს თავმჯდომარე კობა ნაყოფია თანაპარტიელებს, რომლებიც დღეს ერთმანეთს ბრიფინგების მეშვეობით პასუხობენ, კიევიდან მიმართავს და ამბობს:
“მე ცოტა გაკვირვებული ვარ ჩვენი კოლეგების სიჩქარით. მოგეხსენაბთ, დღეს გაიმართა ჩვენი კოლეგის ბრიფინგი, თუ როდის უნდა ჩაინიშნოს პოლიტსაბჭოს სხდომა. მე ვფიქრობ, რომ ბევრად უფრო კორექტული იქნებოდა, თუ ეს მოხდებოდა კონსულტაციების შესახებ. უბრალოდ ერთი სართულით მაღლა იყო ასასვლელი, პარტიის ოფისში, კოლეგებთან შეიძლებოდა საუბრის გამართვა და ერთიანად შეთანხმებულიყვნენ თარიღზე.
მე კარგად მესმის, რომ არჩევნები პარტიაში უნდა ჩატარდეს ღიად, გამჭვირვალედ და ჩვენ ყველაფერს გავაკეთებთ, რომ ფორმა არჩევნების იყოს ღირსეული, რომელიც ჩვენს პარტიას გააძლიერებს მთავარ ბრძოლაში და მთავარი ბრძოლა არის წინ. ეს არის მიხეილ სააკაშვილის თავისუფლება. ეს არის ხელისუფლებისა და ბიძნა ივანიშვილის შეცვლისთვის ბრძოლა.
ასევე, მე, როგორც პოლიტსაბჭოს თავმჯდომარემ, მივიღე გადაწყვეტილება, რომ პოლიტსაბჭოს სხდომა პარტიის ოფისში ჩაინიშნოს. 11 დეკემბერს 15 საათზე”.
კომენტარები