“კმარას” თანადამფუძნებელი, თეა თუთბერიძე:
“ამ საღამოს ჩემებს ველაპარაკებოდი საქართველოში. ოთახში ტელევიზორი იყო ჩართული და ხმა მესმოდა. თუ არ ვცდები ინგა გრიგოლიას გადაცემაში იყო მსჯელობა საქართველოს მესამე პრეზიდენტის ჯანმრთელობაზე. რასაც მოვუსმინე შემიძლია ვთქვა რომ სამწუხაროდ ჩემი აზრით ძალიან არასწორი აქცენტები არის დასმული და მსჯელობაც აბსოლუტურად არასწორი მიმართულებით მიდის. რაც მეგობრებო თქვენ გავიწყდებათ და რასაც საერთოდ არ აქცევთ ყურადღებას არის ის რომ მიხეილ სააკაშვილი სინამდვილეში პატიმრობაში არის კრემლის და უშუალოდ ვლადიმერ პუტინის მითითებით! კრემლმა გადაწყვიტა რომ იგი სამაგალითოდ დასაჯოს იმისთვის რაც მან საქართველოს ევროინტეგრაციისთვის და ნატოს მოკავშირეოვისთვის აკეთა. მას რუსეთი სჯის დასავლური კურსის არჩევისთვის და ქვეყნის დასავლური მიმართულებით წაყვანისთვის. პუტინს ამით უნდა რეგიონის დანარჩენ ლიდერებს აჩვენოს რომ თუ ისინიც იგივეს გააკეთებენ, მათაც იგივე მოელით. სხვა საკითხია რუსეთის უკრაინაში დამარცხების შემდეგ მოვლენები როგორ განვითარდება, მაგრამ ამ ეტაპზე საქართველოს ხელისუფლებაში მომსხდარი პუტინის მონის მონებისთვის არანაირი, აი აბსოლუტურად არანაირი მნიშვნელობა არ აქვს რა იქნება ჩაწერილი მიხეილ სააკაშვილის ჯანმრთელობის მდგომარეობის შესახებ წარმოდგენილ დასკვნაში და ეს გაგრძელდება მანამ სანამ ქართველი ხალხი უშვებს იმას რომ რუსეთმა მოკლას საქართველოს მესამე პრეზიდენტი!
საქართველოს დღევანდელი მდგომარეობა არის უდიდესი სირცხვილი ძალიან ბევრი მიმართულებით, მაგრამ ის რაც მიხეილ სააკაშვილთან დაკავშირებით ხდება და რასაც დღეს ქართველი ხალხი გულზე ხელებდაკრეფილი უყურებს, ეს არის ერის ტრაგედია, რომელსაც ვერ გაამართლებს ვერავინ და ვერაფერი რამე რომ მოხდეს! არ აქვს მნიშვნელობა და თავი დავანებოთ იმას რა აქვს სააკაშვილის ქვეყნისთვის ნაკეთები. სულ რომ შევარდნაძეზე კორუმპირებული და მასზე უარესი ყოფილიყო მიხეილ სააკაშვილი როგორც ქვეყნის პრეზიდენტი, საზოგადოება რომ იმას უშვებს რომ რუსეთმა მათი ქვეყნის ყოფილი პრეზიდენტი მოკლას ციხეში, ეს საზოგადოება საზოგადოება არ არის და არც ასეთი ერი არ იმსახურებს ერად ყოფნას! ეს არის და ეს!”
კომენტარები