“ნიკა მელია თუ ივანიშვილი? ანანისტობით თუ არ დაკავდებით, მარტივი დასანახია” – ბაჩუკი ქარდავა

ბევრ ადამიანს, რომელიც ამ პოსტის ადრესატია, პატივს ვცემ Tako Charkviani, ვაფასებდი და მჯეროდა მათი გულწრფელობის. ნამდვილად არ მსურს, დავიჯერო, რომ ყველა ეს ადამიანი, რომელიც სოციალურ ქსელებში ცალსახად დაგეგმილ ბინძურ კამპანიას ჰყავს ჩათრეული, შეგნებულად იზიარებენ ოლიგარქისთვის ესოდენ სასარგებლო პირობებს.

დასაწყისშივე მინდა აღვნიშნო, რომ მიუხედავად იმისა, მე როგორც ოპოზიციის ერთ-ერთ წარმომადგენელს, ცალსახად მაქვს გაცნობიერებული ოპოზიციაში აქტივობის თვალსაზრისით არსებული დეფიციტი და მისი შევსების აუცილებლობა, კატეგორიულად არ ვეთანხმები ოპოზციის ცოდვების ერთ ლიდერზე, ამ შემთხვევაში, ნიკა მელიაზე აკიდებას.

ჩემი ეს პოზიცია, რომელიც შესაძლოა ერთი შეხედვით ვიღაცას სუბიექტურად მოეჩვენოს, მინდა ზედმეტი მტკიცების გარეშე აღვნიშნო, რომ მხოლოდ და მხოლოდ ოპოზიციის საკმაოდ პასიური და დაგვიანებული აქტივობების გამოსწორების მიზნით არის განპირობებული.

პასიურობა, ხშირ შემთხვევაში უსაფუძვლო ზომიერება, არათანმიმდევრულობა (და არც კიდევ უპრინციპობა და სურვილის არქონა, რომ შეიცვალოს ქვეყანაში ივანიშვილის რეჟიმი), ბევრად ნაკლები პრობლემა შეიძლება აღმოჩნდეს, ვიდრე ის, რაც დღეს სახეზეა – ოპოზიციის მხრიდან დანაშაულის ტოლფასი, ბრძოლის ობიექტის აღრევა.

სწორედ ამ საფრთხის წინაშე ვდგავართ.

არ ვიცი, რა არის მიზეზი და არც ნაადრევი დასკვვნების გაკეთება მსურს – შეგნებული დანაშაული თუ უბრალოდ შეცდომა ან გადაჭარბებული პოლიტიკური ეგოიზმი, ჩვენი დღევანდელი ბრძოლის მთავარი ობიექტრისგან ყურადღების გადატანა ოპოზიციის შიდა გარჩევებზე, თან თითიდან გამოწოვილი, პირდაპირ ვიტყოდი, უსაფუძვლო, გამოგონილი ბრალდებების საბაბით.

არ ვაპირებ ამ პოსტით ნიკას ადვოკატობას, ვფიქრობ, მას ეს არ სჭირდება, მაგრამ ვიტყვი, რომ სწორედ ამ ტიპის ენერგიული, უკომპრომისო ლიდერების განეიტრალება ივანიშვილის ინტერესებშია და არა ოპოზიციის.

ეს მარტივი დასანახია თუ ავადმყოფური შეთქმულების თეორიებში არ ჩავეფლობით და ანანისტობით არ დავკავდებით.

ერთი რამ ცხადია, სამწუხაროდ ოლიგარქმა ჩვენზე კარგად იცის, რა აქვს საკეთებელი და ეს დღეს კარგად ჩანს.

ამიტომაც იყო ალბათ, ხან სამაჯურით, ხან ციხეში ჩასმით (რომ არა ევროკავშირის აქტიურობა) ცდილობდა განეიტრალებული ჰყოლოდა ნიკა მელია. და ალბათ, ამ მცდელობას არც ახლა მოერიდება.

ვრცლად გამომდის, თუმცა აქ ბევრი არაფერია სალაპარაკო, ყველაფერი ხელის გულზე დევს.

დღეს სახეზეა ავანტიურისტების დაგეგმილი და ჯერჯერობით წარმატებით განხორციელებული პროცესი, რომელსაც აყვნენ სასარგებლო იდიოტები და ჩემთვის ყველაზე მნიშვნელოვანი არის ის, რომ ამ ბრძოლაში არ ვიხილო ის ადამიანები, რომლებსაც დღეს მხოლოდ ერთადერთი ამოძრავებთ – მეტი აქტიურობა, მეტი პრინციპულობა ოლიგარქის დასამხობად.

თუ პირველებმა კარგად იციან, რას აკეთებენ (იდიოტები არ ითვლება), იგივეს თქმა გამიჭირდება ნიკა მელიას სხვა ოპონენტებზე, უბრალოდ ვფიქრობ რომ ეს უკანასკნელნი მძიმე შეცდომას უშვებენ თავისდაუნებურად, რაც ვითარების გაჯანსაღების ნაცვლად, კიდევ უფრო ამძიმებენ ოპოზიციაში კრიზისს და ივანიშვილს აძლევს საშუალებას, თავისუფალი მანევრირებისთვის!

დღე ჩვენ, ყველანი ერთად დიდი გამოცდის წინაშე ვდგავართ! ხაზგასმით ვამბობ – დასავლეთის რეკომენდაციების სრული იგნორირება; გვარამიას იზოლაცია და სააკაშვილის, მესამე პრეზიდენტის ტყვეობა, რუსეთის ინტერესების სასარგებლოდ, ეს ყველაფერი სხვა უამრავ ჩრდილოეთიდან თავსმოხმეულ ცოდვასთან ერთად, აუცილებლად სახელმწიფოებრივი დამოუკიდებლობის ფასად დაგვიჯდება. იმედია ვხვდებით ამას…

დღეს ხელისუფლების არა მორიგი ცვლილება, არამედ დაუყოვნებლივი ცვლილება გვჭირდება და ამისათვის კონსოლიდირებული მოქმედებაა საჭირო და წერტილი!

სამწუხაროა, მაგრამ როგორც სჩანს, ეს, ჩვენზე უკეთ ესმის მოწინააღმდეგეს…