“ტვ პირველის” ინფორმაციით, 2020 წლის ნოემბერში საპარლამენტო არჩევნების შემდეგ, ქუჩაში გამოსული ხალხი, სადღეღამისო აქციების რეჟიმში რომ არ გადასულიყო, სუს-მა მთელს თბილისში ყველა მაღაზიას კარვების და საძილე ტომრების გაყიდვა აუკრძალა.
მაგალითად, მედიის ცნობით, მეველის 20 ნომერში, მონკავშირის მაღაზიაში კონტრდაზვერვის დეპარტამენტის მეორე სამმართველოს, უფროსის მოადგილე, ავთანდილ დევნოზაშვილი პირადად მივიდა. მას ოჯახური კავშირები უნდა გამოეყენებინა, რომ მაღაზიები დახლებიდან კარვები გამქრალიყო.
მედიის ცნობით, საიდუმლო სამსახური ლამის კარდაკარ ეძებდა ოჯახებს, ვისაც შეიძლებოდა კარავი სახლში ჰქონოდა, რომ ის აქციის მონაწილეებისთვის არ მიეცათ, ემუქრებოდნენ რომ ამის გამო “შარში” აღმოჩნდებოდნენ.
“ტვ პირველის” ცნობით, 2020 წლის 15 ივნისს, სახელმწიფო უსაფრთხოების სამსახურის თანამშრომლი, პაპუნა ფარცვანია ჰიპერმარკეტ “დომინოში” სამოქალაქო აქტივისტ ნათია ლეთოდიანს ე.წ. პულივიზატორი საღებავის შეძენის მომენტში ვიდეოს უღებს.
ასევე, მედიიც ინფორმაციით, როცა ილია მართლის სახელობის ტაძრის დეკანოზი მამა სამუელ ზვიადაური, 2021 წლის 20 აპრილს, ნამოხვანჰესის მშენებლობის საწინააღმდეგო აქციაზე, მიკროავტობუსით თბილისიდან მრევლთან ერთად წავიდა, სუსში გაიცა ბრძანება რომ მღვდელი უნდა შეეჩერებინათ. სამმართველოს უფროსი მიხეილ ტურაბელიძე მღვდლის გასაჩუმებლად კომპრომატების ამოქექვის ბრძანებას იძლევა, რომ მამა სამუელი აქციებზე აღარასდოს გამოჩნდეს.
“ტვ პირველის” ინფორმაციით, სუს-ის სამიზნე, იყვნენ “გლოვოს” კურიერებიც. საიდუმლო სამსახურის ოპერატიული ცნობების მიხედვით, გაიცა ბრძანება, რომ მიტანის სერვისის ყველა ის კურიერი, ვინც აქციაზე დადის უნდა გააჩუმონ, სიაში მოხვდა ირაკლი მილაძე.
სასტუმროს მფლობელს, სოფო ჩიხელიძეს, რომელმაც სოციალურ ქსელში დაწერა, რომ 23 მაისს, ნამოხვან ჰესის მშენებლობის წინააღმდეგ დაგეგმილ აქციაზე დასწრების მსურველებს 50% ფასდაკლებით მოემსახურებოდა, სასტუმრო დაუყადაღეს.
კომენტარები