“დედის საფლავს გეფიცებით, სიმართლეს გეუბნებით… ქრისტიანები ხომ ხართ?” – გრიგოლ ვაშაძე ოცნებას

პოლიტიკოსი, “ენმ”–ის ყოფილი თავმჯდომარე, გრიგოლა ვაშაძე, რომელმაც ცოტა ხნის წინ, მიხეილ სააკაშვილი მონახულა, კლინიკიდან გამოსვლის შემდეგ, მედიასთან ამბობს:

“რაღაც გამოკვლევაზე იყო, მაგრამ ზუსტად რაზე იყო არ ვიცი. უარესად არის პრეზიდენტი, ვიდრე ჩემს წინა შესვლაზე იყო, თუ სწორად მახსოვს კვირანახევრის, თუ 2 კვირის წინ შევედი. აი,  ბავშვი რომ ძალიან ავად არის, ისეა მიგდებული, 80 კილოა. ჩამომხმარია, არც კუნთები აქვს, არც არაფერი. დედის საფლავს გეფიცებით, სიმართლეს გეუბნებით… ყველაფერი ტკივა, კუნთების ატროფიისთვის მასაჟები უნდა, რომ მივიყვანოთ, მასაჟისტი, ვერ ეკარება, ყველაფერი ტკივა. ვერ გავიგე,  ქართული ოცნების ლიდერშიპი რომ დაგვცინის, იძახის, აგერ, სააკაშვილის ისინი პანიკას ტეხავენო, დალოცვილიშვილო, პარლამენტის წევრები ხართ,  გავიგე, რომ ევროპელი პოლიტიკოსები არ ხართ, მაგრამ ქრისტიანები ხომ ხართ, შემოდით და ნახეთ ეს ადამიანი, რად უნდა ამას ნობელის პრემიის ლაურეატების ჩამოყვანა.”