The Times რუსეთის ხელისუფლებაში არსებულ წყაროზე დაყრდნობით წერს, რომ უკრაინაში შეჭრის აუცილებლობაში ვლადიმერ პუტინი სამმა ადამიანმა დაარწმუნა.

მედია ასახელებს – უსაფრთხოების საბჭოს მდივანს ნიკოლაი პატრუშევს, FSB-ს დირექტორ ალექსანდრ ბორტნიკოვს და მილიარდერ იური კოვალჩკს.

თავდაცვის მინისტრ სერგეი შოიგუს კი მოიხსენიებს, როგორც მხოლოდ “მერყევ შემსრულებელს”.

წყარო ამბობს, რომ რუსული ელიტის დიდი ნაწილი ფართომასშტაბიანი ომის დაწყების შესახებ ინფორმირებული არ იყო, და ფიქრობდნენ პუტინი ბლეფობდა.

რუსეთი უკრაინის ტერიტორიაზე მიმდინარე წლის 24 თებერვალს შეიჭრა.