“ხალხმა გულებით დაიწყო გაზიარება, ის კი არა, მამა სად აგდიაო…” – ნინო ბაისონაშვილი

გუშინ გავრცელებულ ფოტოზე, სადაც დედა ფეხზე მოსიარულე კურიერად მუშაობს ბავშვით ხელში, ხალხმა გულებით და შემდეგი ტექსტებით დაიწყო გაზიარება, რომ აი, ქალი, აი, დედა და როგორც ხდება ხოლმე. ეს იცით რატომ ხდება? იცით, ქალის გმირობას და გაჭირვებას რატომ ვერ ვარჩევთ? ქალების პრობლემებზე საუბარი სასაცილოა, მეათასეხარისხოვანია, გენდერი საერთოდ შემოგდებული თემაა. ის კი არა, რომ რა სახელმწიფოში ვცხოვრობთ, ეს რანაირად უნდა დაუშვასო, ის კი არა, მამა სად აგდიაო, ის კი არა, რანაირად არავინ თანამდგომი არ შეიძლება ჰყავდეს ამ ქალს, რომ ამ ბავშვით არ დადიოდეს ქარში და წვიმაშიო. ხალხმა სამსახურებიც კი შეურჩია, როცა ოფიციალურად არავინ იყვანს მარტოხელა დედას სამსახურში და ბავშვის ავადობა მისი სამსახურიდან გათავისუფლების მიზეზია .