ეკონომიკის ექსპერტი გიორგი ცუცქირიძე, სოოციალურ ქსელში შემდეგ პოსტს აქვეყნებს:
„ჩვენ ყოველდღიურ რეჟიმში ვხედავთ პრემიერის, მთავრობის წევრების და წამყვანი ქართველი ექიმების დაღლილობამდე მისულ სახეებს, მაგრამ ამავდროულად მაინც ოპტიმისტურსაც.
ადამიანებს დღეს ყველაზე მეტად გამხნევება და გვერდში დგომა სჭირდებათ, ოპტიმიზმიც აუცილებლად.
ასეთი მაღალი დაძაბულობისას საზოგადოების ბუნებრივი ყურადღება მიპყრობილია იმ ადამიანებისადმი, ვინც ეპიდემიის პრევენციის და ლოკალიზაციის სადარაჯოზე დგანან. ამიტომაც არის გამძაფრებული საზოგადოების და მედია ინტერესიც პირველ რიგში მედიკოსთა და ოფიციალურ პირთა თითოეული განცხადების თუ სიტყვის მიმართ.
ასეთ სიტუაციაში სოლიდარულობას გადამწყვეტი მნიშვნელობა კი ენიჭება. მიუხედავად იმისა, რომ ევროპის ქვეყნების მთავრობების ნაწილმა არაერთი შეცდომა დაუშვა, როდესაც კარანტინის ეკონომიკაზე ნეგატიური ზეგავლენის შიშით, თავიდანვე არ გაამკაცრა კონტროლი, და პრევენციული ღონისძიებები, რამაც ვირუსული პანდემიის განვრცობა და მაღალი ლეტალური შედეგები გამოიწვია, არც იტალიაში, არც ესპანეთში და არც შვეციაში და ბრიტანეთში, გარდა დასაშვები კრიტიკული მოსაზრებებისა და რეკომენდაციებისა, ოპოზიციას ჩასაფრებული პოზიცია არა ჰქონია, განსხვავებით საქართველოსაგან. მიუხედავად, მათი მხრიდან ცალკეული პოზიტიური შეთავაზებებისა, კვლავ გრძელდება ცილისწამების და სიცრუის ტირაჟირება, განსაკუთრებით მათივე კონტროლირებადი მედია ფლაგმანების ეთერებიდან.
ახლა გაუთავებელი ღლიცინი ქართველი ერის „განსაკუთრებულობაზე“, რამაც თურმე აგვაცილა თავიდან ვირუსული პანდემიის მაშტაბური გავრცელება, საკუთარი მოსახლეობის შეურაცყოფას და მთავრობის მიერ გადადგმული ღონისძიებების და ქართველი მედიკოსების გარჯის გადაფარვასაც ემსახურება.
პირველი გარდაცვალებული ადამიანის გამოცხადებამდე და მერეც, გაუგონარი და ლამის მანიაკალური ჟინით გაჟღენტილი სიხარულნარევი რეპორტაჟები, ვითომდა ინფორმაციის დამალვაზე თუ სტატისტიკის გაყალბებაზე, იმ დეჰუმანიზირებული იდეოლოგიის ნაწილია, სადაც ადამიანი არის მიზნის მიღწევის საშუალება და რასაც ნაციონალური მოძრაობა და მის სივრცეში მოდრეიფე ოპოფლანგი ეყრდნობა, ფსევდო და რადიკალური ლიბერალიზმის სახით.
მაგრამ, ლეტალური შედეგების დადგომის მერე, რაც ამ სახის ვირუსული პანდემიების ნაწილია, ახლა მაინც გაჩერდით რა!
ისე, ამ ხარების დღეს არც ვაპირებდი ამ პოსტის დაწერას, მაგრამ ამ საყოველთაო განსაცდელში, მუხრანის არ იყოს:
ვინც გინდა იყავ,
-გინდ არქიფო,
თუ გინდა ზაქრო!
– რა გიხარია, შე შობერძაღლო!
ხარებას გილოცავთ!“
კომენტარები