“ზიარება კურნავს სულსაც და ხორცსაც – როგორ შეიძლება იყოს დამაინფიცირებელი?”

ბათუმის ტაძრებში ხარების დღესასწაული წესების დაცვით ჩატარდა. განსაკუთრებული ხალხმრავლობა იყო ღვთისმშობლის შობის საკათედრო ტაძარში.

ბათუმისა და ლაზეთის მიტროპოლიტის დიმიტრის თქმით, ერთი კოვზით ზიარება ინფიცირების წყარო ვერ იქნება.

„უამრავი განსაცდელი გამოუვლიათ წინაპრებს, ამ განსაცდელებს ყოველთვის დიდი სიმტკიცით, რწმენით პასუხობდნენ ისინი. დღევანდელი გამოწვევა არის ამ პანდემიის სახით.

მოგეხსენებათ, როგორ შეატორტმანა მთელი დედამიწა, როგორ შეუცვალა სახე და ხშირად ამბობენ ექსპერტები, რომ უწინდელი მდგომარეობა ჩვენი ყოფის თუ ქვეყნის მოწყობის აღარ იქნება.

ამ განსაცდელის ჟამს აუცილებელია რწმენა ღვთისა, რომელიც არის გადამრჩენელი ამ ალიაქოთში და მძიმე ცხოვრებაში საღმრთო ზიარებით.

იცით თქვენ როგორი აზრთა სხვადასხვაობა გამოიწვია, თუნდაც ურწმუნოთა შორის ზიარების საკითხმა. მე ვერ ვიტყოდი, რომ მხოლოდ არაეკლესიურთა შორის, მე მქონდა საუბარი ისეთ ადამიანებთანაც, ვინც წლების მანძილზე ეზიარებოდა და ისინიც კი გარკვეულწილად ეჭვს გამოხატავდნენ.

მე მათ ვამხნევებდი და ვეუბნებოდი, რომ არ შეიძლება საღმრთო ზიარება იყოს დამაინფიცირებელი, რამე თუ 2000 წელია ზიარების დროს ჩვენ ვეუბნებით მორწმუნეებს საკურნებლად სულისა და ხორცისა.

როგორ შეიძლება საკურნებელმა სულისა და ხორცისამ დაგასნეულოს“