“სულის გასვენების დღეებია ჩვენთვის” – რა მისწერა პედაგოგმა ლევან იოსელიანს

“მინდა გითხრათ, რომ ხელოვნების სკოლების პედაგოგები თუ არ იქნებიან დაფასებულები, სულ რაღაც რამოდენიმე წელში, მთავრობას მოუწევს მოიწვისო სპეციალისტები, ხელოვნების სკოლის პედაგოგებად.

პირადად მე, ყველაფერი გავაკეთე, რომ ჩემი შვილი არ გაჰყოლოდა ჩემს პროფესიას, რის გამოც ძალიან გულნატკენი დარჩა. შეიძლება თქვათ, რომ არასწორად მოვიქეცი, მაგრამ არ იქნებით მართლები, ვინაიდან მხოლოდ ერთი ტაშის გულისთვის, უსაზღვრო შრომას, ენერგიას, სიყვარულს ვდებ ჩემ საქმეში, ხოლო სახლში მისულს ხანდახან ლუკმაპურიც კი არ მაქვს.

ივლისი, აგვისტო და სექტემბერი დასვენების კი არა, სულის გასვენების დღეებია ჩვენთვის, ამ პერიოდში მოსწავლე არ იხდის გადასახადს, შესაბამისად ჩვენ იმ ორ კაპიკსაც ვერ ვიღებთ, რაც გვეკუთვნის. “