უკრაინული მედია ინფორმაციას ბელარუსულ პროექტ Belorussian Gayun-ზე დაყრდნობით ავრცელებს. მათი ცნობით, ამჟამად სარკინიგზო ინფრასტრუქტურის შემოწმებისთვის საჭირო ღონისძიებები მიმდინარეობს.
მაგალითად, მოწმდება რკინიგზის სადგურებზე ჩატვირთვის პუნქტები, მიმდინარეობს დატვირთვა-გადმოტვირთვის პლატფორმების შეკეთება, სამხედრო ეშელონების გადაადგილების განრიგის შემუშავება და ა.შ.
„ყველა ეს ქმედება შეიძლება მიუთითებდეს რუსეთის ფედერაციიდან სამხედრო ეშელონების მიღებისთვის მომზადებაზე. ცნობილია, რომ ეშელონების გადაადგილებისთვის გამოყენებული იქნება შემდეგი სარკინიგზო სასაზღვრო გადასასვლელები: კრასნე (MSC Russian Railways) – Osynivka (BCH NOD-1) ზლინკა (MSC რუსეთის რკინიგზა) – ზაკოპიცია (BCH NOD-4), ზავერიჟჟია (რუსეთის რკინიგზის OKT) – იეზერიშჩე (BCH NOD-6)”, – ნათქვამია შეტყობინებაში.
ცნობისთვის, უკრაინის წინააღმდეგ რუსეთის სრულმასშტაბიანი ომის დაწყებიდან შვიდი თვის შემდეგ, ბელარუსი ისევ თავს იკავებს ომში უშუალო მონაწილეობისგან. თუმცა, მხარს უჭერს რუსულ აგრესიას, რაც თავის ტერიტორიაზე რუსული ჯარებისა და ტექნიკის გადაადგილების უფლების მიცემაში გამოიხატა. ბელარუსის ტერიტორიიდან რუსები უკრაინის ქალაქებზე სარაკეტო დარტყმებს ახორციელებენ.
გარდა ამისა, ბელარუსში 6 თვეა სამხედრო წვრთნები მიმდინარეობს, რაც იმას ნიშნავს, რომ ჯარები ექვსი თვის განმავლობაში საბრძოლო მზადყოფნაში არიან.
კომენტარები