რუსეთის პრეზიდენტმა, ვლადიმირ პუტინმა სატელევიზიო მიმართვაში უკრაინის დროებით ოკუპირებულ ტერიტორიებზე დაგეგმილ ე.წ. რეფერენდუმებზეც ისაუბრა, რომლებიც რუსეთთან მიერთებას ეხება.
მისი განცხადებით, რუსეთი მხარს დაუჭერს “გადაწყვეტილებას რასაც მიიღებენ” დონბასის, ზაპოორიჟისა და ხერსონის რეგიონების მაცხოვრებლები.
„რუსეთი ვერ დაუშვებს თავისი ახლობელი ადამიანების ჯალათმა გაანადგუროს და არ დაუშვებს მათ სურვილს, თავად განსაზღვრონ ბედი.
რუსეთი ყველაფერს გააკეთებს იმისათვის, რომ უზრუნველყოს უსაფრთხო პირობები რეფერენდუმებისთვის დონბასში და იმ რეგიონებში, რომლებიც მიმართავენ რუსეთის ფედერაციას”, – თქვა პუტინმა.
ცნობისთვის, რუსეთთან შეერთების შესახებ ე.წ. რეფერენდუმის ჩატარებას ოკუპირებულ დონეცკში, ლუგანსკსა და ხერსონის ნაწილში გეგმავენ. დონეცკის ე.წ. რესპუბლიკაში 26 და 27 სექტემბერი ამის გამო უქმე დღეებად გამოცხადა. რაც შეეხება ხერსონს, იქ ე.წ. რეფერენდუმის ჩატარებას 23-27 სექტემბერს გეგმავენ.
კომენტარები