ჯანმრთელობის დაცვის მსოფლიო ორგანიზაცია კორონავირუსის სამკურნალოდ პრეპარატების Sotrovimab და Kazirivimab/imdevimab ამოღების რეკომენდაციას გასცემს. ამის შესახებ Reuters იუწყება.
ეს გადაწყვეტილება ჯანმომ იმის გამო მიიღო, რომ პრეპარატები მოძველებულია და კორონავირუსი ახალი შტამების მიმართ არაეფექტიანი. ეს პრეპარატები კორონავირუსის პანდემიის დასაწყისში იყო გამოშვებული.
კომპანიების, GSK და Vir Biotechnology-ს პრეპარატი Sotrovimab-ის რეალიზაციამ გასულ წელს კომპანიას მილიარდობით დოლარის მოგება მოუტანა და ის დიდ ბრიტანეთში წამლების მწარმოებელთა შორის ერთ-ერთი ლიდერი გახდა. 2022 წლის აპრილში მისი გამოყენება აშშ-ში, წამლების რეგულირების სააგენტოს მიერ გაცემული რეკომენდაციის შემდეგ შეწყდა.
აშშ-ში მიღებული ამ გადაწყვეტილების შემდეგ ჯანმომ ეს საკითხი შეისწავლა და პრეპარატების Sotrovimab-ისა და Kazirivimab/imdevimab-ის მოხმარებიდან ამოღების რეკომენდაცია გასცა.
კომენტარები