რა მოხდება რუსეთის სამხედრო კრახის შემდეგ და რის გაკეთებას ეცდება რუსეთის ახალი რეჟიმი? – ბატიაშვილი

ანალიტიკოსი, ზურაბ ბატიაშვილი, ტელეკომპანია “ფორმულასთან” საუბრობს იმაზე, რა მოხდება რუსეთის სამხედრო კრახის შემდეგ და ამბობს:

“თუ გავითვალისწინებთ, თუნდაც, რადიკალურ, ნაციონალისტურ ჯგუფებში და ჯარში გენერლებს შორის არსებულ განწყობებს – ახლა ისეთი ტენდეციაა, რომ აი, ჩვენმა ხელმძღვანელობამ შეგვიყვანა აქ და მათ პასუხი უნდა აგონ და ამას ჩვენ ვხედავთ მათ განცხადებებში, ეს საინტერესო ტენდეციაა უკვე, აზრი მწიფდება. ცნობილი რუსული გამოთქმაა, ვინ არის დამნაშავე და რა უნდა ვაკეთოთ ახლა… მოსკოვში კრემლის თავზე მოიყრის ღრუბლები თავს…

აქ არის ერთი მნიშვნელოვანი მომენტი, როდესაც სამხედრო კრახი ბოლომდე გაფორმდება, ასე ვთქვათ და კიდევ ჩამოიშლება ფრონტის ხაზები ძალიან ბევრგან, მერე ვნახავთ ამ შოკის ეფექტს რუსეთის საზოგადოებაში, თუ საზოგადოება შეიძლება ვუწოდოთ იმას, რაც იქ ხდება, იმიტომ რომ დამნაშავის ძიება დაიწყება და რუსეთში არ უყვართ დამარცხებული იმპერატორები. მას აუცილებლად პასუხს მოსთხოვენ. ეს არ ნიშნავს, რომ მის შემდეგ დემოკრატიული რეჟიმი იქნება – არა, არავითარ შემთხვევაში, მაგრამ ის ახალი რეჟიმი შეეცდება მოლაპარაკებას დასავლეთთან და მოლაპარაკება იქნება მხოლოდ ერთ რაღაცაზე – კაპიტულაციაზე, რუსეთის სრულ კაპიტულაციაზე. მეტი მოსალაპარაკებელი აღარც დასავლეთს და აღარც უკრაინას აღარ აქვს და იქნება ძალიან მკაცრი პირობები რუსეთისთვის.”