“რუსეთში პატიობენ ხელისუფალს შიმშილს, კორუფციას, მაგრამ არა მარცხს” – რას უქადის პუტინს მარცხი უკრაინაში?

ალფა სიხშირე აქვეყნებს სამხედრო და უსაფრთხოების საქმის ექსპერტის, კახა ესებუას წერილს:

“ის რაც ახლა ხდება ვერ ჯდება ტაქტიკური ან ოპერატიული წარმატების ჩარჩოში. ეს არის სტრატეგიული გარღვევა, რომელსაც ექნება პოლიტიკური შედეგები. არაა გამორიცხული, რომ ეს პოლიტიკური შედეგები შეეხოს პირადად პუტინს და მის ძალაუფლებას და ამაში წვლილი გენერლებმა შეიტანონ. რუსეთში ყველაფერს პატიობენ ხელისუფალს, სიღარიბეს, შიმშილს, გაჭირვებას, კორუფციას, მაგრამ არა მარცხს.

აქვე დავამატებ – რუსეთის სამხედრო მარცხს ყოველთვის რაიმე კატაკლიზმა მოყვებოდა. 1905 წელს იაპონიასთან დამარცხებას რევოლუცია მოყვა, პირველ მსოფლიო ომში მარცხს რუსეთის იმპერიის დაშლა, ავღანეთის კატასტროფას საბჭოთა კავშირი შეეწირა, ჩეჩნეთის პირველ ომში დამარცხებამ კი ელცინი მოინელა. არც უკრაინაში შესაძლო დამარცხება ჩაივლის უკვალოდ ჩემი აზრით.”