კორონავირუსის პანდემიის გამო საფრანგეთში ციხეებიდან 6 266 პატიმარი გაათავისუფლეს. ამის შესახებ ადგილობრივი მედია AFP-ზე დაყრდნობით იტყობინება.
სააგენტოს ინფორმაციით, პირველი აპრილის მონაცემებით 188 ციხეში 66 309 პატიმარი იმყოფებოდა. ორი კვირით ადრე კი მათი რაოდენობა 10%-ით მეტი იყო.
მანამდე სამინისტრომ იმ პატიმრების ვადამდელი გათავისუფლების კამპანია წამოიწყო, ვისაც სასჯელის აღკვეთის ვადა ეწურება ან ჯანმრთელობასთან პრობლემები აქვთ. პატიმრების რაოდენობის შემცირების კიდევ ერთი მიზეზი ეპიდემიის ფონზე იურიდიული აპარატის შენელებული მუშაობაა.
საფრანგეთში COVID 19 48 პატიმარს და ციხეების 114 თანამშრომელს დაუდგინდათ.
კომენტარები