ლევან ჯავახიშვილი
„ალიას“ ესაუბრება ექსპერტი, გია ხუხაშვილი.
– სოსო გოგაშვილის დაცვის უფროსი, სუს-ის ყოფილი თანამშრომელი, ალექსანდრე სამხარაძე დააკავეს და გირაოთი გამოუშვეს. მას ტყვიების შენახვაში ედება ბრალი, როდესაც იარაღის ტარების ნებართვა აქვს და რეგისტრირებულ იარაღსაც ატარებს. ესენიც ზუსტად ისე იქცევიან, როგორც „ნაცები“. თვენახევარია გოგაშვილი დაკავებულია, მთელი ეს პერიოდი, სამხარაძემ იცის, სუს-ის და შსს-ს სამიზნეა და თუ ტყვიები დანაშაულის მტკიცებულება იყო, ამდენი ხანი ვერ მოიშორა?
– მანდაც ხომ გასაგებია ყველაფერი. ეგ არის შიდა გარჩევები და მეტი არაფერი. სოსო გოგაშვილი სისტემის ნაწილი იყო, ის იმ დანაშაულებების თანამონაწილე იყო, რასაც ახლა თავად ამხელს. ეს კარგია, მაგრამ სისტემა მას ისევე ექცევა,როგორც თავად ექცეოდა სხვებს, როდესაც სისტემის ნაწილი იყო. მისი დაცვის უფროსის დაკავებასაც ასე უნდა შევხედოთ.
– საქართველოში ამერიკის აგენტების სია გამოაქვეყნა „ქართულმა ოცნებამ“ და ყველა, ვინც ამ სიაშია, კარგად ცნობილი პოლიტიკოსი, ჟურნალისტი ან არასამთავრობო ორგანიზაციის ლიდერია. აგენტი ვიცი დაშიფრული, რომელიც ჩუმად ასრულებს თავის აგენტურულ საქმიანობას და მისი ამ საქმიანობის შესახებ, არავინ არაფერი იცის.იმ სიაში ვინც არიან, ყველანი ტელევიზიებში სხედან დღე და ღამ და ამერიკის ღია მხარდაჭერას აფიქსირებენ. ამაზე რას იტყვით?
– არ ვიცი, რა კომენტარი გავაკეთო. შემიძლია მხოლოდ თანაგრძნობა გამოვხატო იმ ადამიანების მიმართ, რომელთაც ეს სია გამოაქვეყნეს, რომლებიც ასეთ მძიმე მდგომარეობაში არიან, ამ აზრებსა და ფიქრებში ცხოვრობენ.
კომენტარები