ფინეთი უკრაინას 35 მილიონი ევროს ღირებულების ჰუმანიტარული დახმარების პაკეტს გადასცემს, – ამის შესახებ ინფორმაციას უკრაინული მედია ფინეთის შინაგან საქმეთა სამინისტროზე დაყრდნობით ავრცელებს.
გამოცემა წერს, რომ ჯერ კიდევ ივლისში, ქვეყნის მთავრობამ უკრაინის მხარდასაჭერად 70 მლნ ევრო გამოყო. ამ თანხების ნახევარი კი უკვე დარიცხულია.
აღნიშნულია, რომ 15 მლნ ევრო მიმართული იქნება ჰუმანიტარულ საჭიროებებზე, 8 მილიონი კი გაეროს ფონდს გადაეცემა, რომელიც უკრაინის საზოგადოებრივ ორგანიზაციებს ეხმარება. კიდევ 5 მლნ გადაირიცხება მსოფლიო სასურსათო პროგრამის მეშვეობით, 2 მლნ კი გაეროს მოსახლეობის ფონდს სამხრეთ და აღმოსავლეთ უკრაინის დაზარალებულთა დასახმარებლად. ასევე, 15 მლნ ევრო მოხმარდება განათლების სექტორში დასაქმებულთა ხელფასებს.
გარდა ამისა, ფინეთი 200 უკრაინელს მზა სახლებსა და 10 ჯავშანკონტეინერს დროებით საცხოვრებლად გადასცემს.
კომენტარები