ერთიანი ეროვნული გამოცდების საბოლოო შედეგები ცნობილი დღეს გახდა. სტუდენტი 32 100-ზე მეტი აბიტურიენტი გახდა. მათგან სრული დაფინანსება 1000-ზე მეტმა გამოსაცდელმა მიიღო. მონაცემებს შეფასებისა და გამოცდების ეროვნული ცენტრი აქვეყნებს.
“2022 წელს სწავლის გაგრძელების უფლება მოიპოვა 32 100-ზე მეტმა გამოსაცდელმა, რაც რეგისტრირებულ აბიტურიენტთა 77%-ზე მეტს შეადგენს. სახელმწიფო გრანტი მოიპოვა 6 550-მდე გამოსაცდელმა, რომელთაგან 100%-იანი გრანტი მიიღო 1 000-ზე მეტმა აბიტურიენტმა, 70%-იანი – 1 500-მდე; 50%-იანი გრანტი კი – 4 000-ზე მეტმა გამოსაცდელმა.
ქართულ ენაში მომზადების პროგრამებზე ჩაირიცხა 1 390-მდე გამოსაცდელი; დაფინანსდა 200-ზე მეტი.
აბიტურიენტთა პირველი არჩევანის მიხედვით, გასული წლის მსგავსად, ლიდერობს შემდეგი საგანმანათლებლო პროგრამები: სამართალი, ფსიქოლოგია, ჰუმანიტარული მიმართულებები, ბიზნესის ადმინისტრირება და ჯანდაცვის მიმართულება”, – ნათქვამია ცენტრის ინფორმაციაში.
კომენტარები