“უმძიმესი დაავადება – “მრევლის სინდრომი” – ლუკა ბაქანიძე

მწერალი, ლუკა ბაქანიძე:

“მეტწილად, სასულიერო პირებმა და ზოგადად – მთლიანად საპატრიარქომ განაპირობა ამ ქვეყანაში პოლიტიკურად ბეცი, აგრესიული, ფსიქიკური პრობლემების მქონე, გაუნათლებელი და რუსეთუმე საზოგადოების პლასტის, უკეთ – ბრბოს არსებობა, რომელსაც, წარმოდგენაც კი არ აქვს, სწორედ იმ ყველაფერს რო განასახიერებს, რასაც ემტერება ჭეშმარიტი, ნამდვილი ქრისტეანული მოძღვრება. რამოდენიმე წლის წინ ამა ყოველს მოვუძებნე სახელი, ვითარცა უმძიმეს დაავადებას, და დავარქვი – „მრევლის სინდრომი“. ამიტომაც, ნებისმიერი საქვეყნო და საერო კრიზისის შედეგთა მთავარ მიზეზად და დამარხული ძაღლის თავად მივიჩნევ საპატრიარქოს. პათეტიკისთვის ბოდიში, ვერ ვიტან, მაგრამ, ჭეშმარიტ ქრისტეანთ მოვუწოდებ: განუდექით და დაგმეთ ეს სიყალბის და ბოროტების მანქანა, რამეთუ ესე არს თქვენი ქვეყნის, და თქვენი სულის, და თქვენი მრწამსის მტერი იგი უპირველესი. სილაღისა და სიხარულის მსახვრალი, სიბნელისა და უმეცრების სათავე. გჯეროდეს საპატრიარქოსი, ნიშნავს, დაკარგო მომავალი. დაკარგო ქვეყანა. დაკარგო ადამიანური სამშვინველი, სამყაროსა და სიკეთის, და სიყვარულის საცოდნელად გაჩენილი. ნუ აირჩევ სიცარიელეს, მოყვასო… პატივისცემით – ღრმადმორწუნე ქრისტეანი, თევზის, ქრისტეანთა ნიშანის ღირსეულად მატარებელი მეთევზე – ლუკა ბაქანიძე.”