უკრაინის ეკლესიის სინოდიმა დამტკიცა წერილი, რომელიც მოუწოდებს მსოფლიო პატრიარქ ბართლომეოს, აღიაროს “რუსული სამყაროს” დოქტრინა როგორც ერეტიკული, ხოლო რუსეთის პატრიარქ კირილის ქმედებები სქიზმატური, რის შედეგადაც მას უნდა ჩამოერთვას საპატრიარქოს ტახტის დაკავების უფლება.
შესაბამისი წერილი სინოდმა 27 ივლისს გამოაქვეყნა.
“ჩვენი ეკლესიის ეპისკოპოსებისა და უკრაინის წინააღმდეგ რუსეთის ომის მრავალი მსხვერპლის სახელით, რომელსაც მოსკოვის პატრიარქი ღიად და ცალსახად საჯაროდ ამტკიცებს და მხარს უჭერს, მივმართავთ თქვენს უწმინდესობასა და ადგილობრივი მართლმადიდებლური ეკლესიების წინამძღვრებს თხოვნით:
დაგმეთ “რუსული სამყაროს” დოქტრინა და აღიარეთ იგი როგორც ერეტიკული;
ალექსანდრიის საპატრიარქოს კანონიკურ ტერიტორიაზე პატრიარქ კირილეს ქმედებებს მიეცეს სქიზმატიკურის კვალიფიკაცია;
კირილეს მოსკოვის საპატრიარქო ტახტის დაკავების უფლება ჩამოერთვას.
წერილში აღნიშნულია, რომ რუსეთის პატრიარქის ერთადერთი რეალური მიღწევა იყო ძალაუფლების ერთი ადამიანის ხელში კონცენტრაცია და ეკლესიის სრულად დამოკიდებულება რუსეთის სახელმწიფოზე.
გარდა ამისა, სინოდი ყურადღებას ამახვილებს იმაზე, რომ კირილეს ისტორიული კონცეფციის თანახმად, რუსები, უკრაინელები და ბელარუსები, სავარაუდოდ, “რუსეთის სამყაროს” საერთო ცივილიზაციას მიეკუთვნებიან და არ აქვთ შემდგომი ისტორიული თვითგამორკვევის უფლება.
წერილში აღნიშნულია, რომ ეს რასისტული კონცეფციაა, რომელიც ყოფს ხალხებსა და სახელმწიფოებს “რეალურ” და “ხელოვნურ” ნაწილებად, ცდილობს უკრაინელების ავტოკეფალიის უარყოფას.
კომენტარები