ჩრდილოეთ კორეის მეთაურმა კიმ ჩენ ინმა სამხრეთ კორეა „გააფრთხილა“, რომ მის არმიას გაანადგურებენ, თუ „სამხედრო ბანდიტები“ ჩრდილოეთზე თავდასხმას შეეცდებიან. კიმ ჩენ ინის თქმით, “სრულ მზადყოფნაში” არიან აშშ-თან ნებისმიერი სამხედრო კონფლიქტისთვისაც. აშშ სამხრეთ კორეის მოკავშირეა.
სამხრეთ კორეის საინფორმაციო სააგენტო Yonhap-ი ჩრდილოეთ კორეის სახელმწიფო სააგენტოს მიერ გავრცელებული ინფორმაციის მიხედვით წერს, რომ კიმ ჩენ ინი ამ განცხადებებით 27 ივლისს გამოვიდა საზავო შეთანხმების გაფორმებიდან 69-ე წლისთავისადმი მიძღვნილ ღონისძიებაზე. ამ დოკუმენტის საფუძველზე შეწყდა კორეის ნახევარკუნძულზე 1950-1953 წლებში მიმდინარე ომი. ფხენიანის რეჟიმი 27 ივლისს „გამარჯვების დღეს“ აღნიშნავს.
კომენტარები