„იმის გამო მიყენებენ ბრალს, რომ ვამხილე რუსეთის ჯაშუში, რომელიც პატრიარქის გადაგდებას გეგმავდა“ – სოსო გოგაშვილი

სხდომის დახურვამდე გოგაშვილს სპეცოპერაციისა და მისი დაკავების დეტალებზე საუბრის საშუალება მიეცა.

„ღამის 2 საათზე ჩვენს სახლში მოხდა შემოჭრა. ეს არ მომხდარა არანაირი წესების დაცვით, განჩინება იყო ჩხრეკაზე და არა დაკავებაზე. მათ შემოანგრიეს კარები, დააგვაკავეს მეც და ჩემი შვილიც. 5-5 კაცი ზემოდან მუხლებით გვახრჩობდა. ამის შემდეგ შეიჭრნენ სახლში და დაიწყო ჩემი მეუღლისა და დის ფიზიკური შეურაცხყოფა და თმებით თრევა. ამის შემდეგ ხელზე დამადეს იარაღი, რათა მოგვიანებით ეს იარაღი ჩემთვის ჩაედოთ. ეს ადამიანები იყვნენ ჩემი ყოფილი თანამშრომლები. მთელი ეს სპეცოპერაცია ჩემი შეურაცხყოფა და ქვეყნის შეურაცხყოფაა. პროკურატურამ ბრალდება წამიყენა რუსეთის სპეცსამსახურების აგენტების ჩივილის შედეგად. მე იმის გამო მიყენებენ ბრალს, რომ ვამხილე რუსეთის ჯაშუში, რომელიც პატრიარქის გადაგდებას გეგმავდა“, – განაცხადა გოგაშვილმა.

ცნობისთვის, სუსის უფროსის ყოფილი მოადგილე სოსო გოგაშვილი დააკავეს.