იმედია, გოგაშვილმა იზრუნა წინასწარ ინფორმაციის გავრცელების ხერხებზე. ახლა ისღა დაგვრჩენია, ველოდოთ… – ვახო სანაია

უფრო მეტიც, იმავე მთლად უფროსის დავალებით, ავრცელებდნენ კიდეც ამ მასალებს ინტერნეტში და ცხოვრებას უნგრევდნენ ადამიანებს.

გოგაშვილის მაგ სისტემაში ყოფნის დროს და მისი მოხსნის შემდეგაც ერთი დღე არ შეწყვეტილა ეგ პრაქტიკა. ახლა, ამ მომენტშიც, უამრავ მოქალაქეს წერენ უკანონოდ. ცინიზმის მწვერვალია, რომ თავად გოგაშვილის დაკავებისთვის ნიადაგის მოსამზადებლად გამოყენებულ იქნა ასევე უკანონო მიყურადების გზით მოპოვებული აუდიომასალა – ჟირნალისტების თათბირის ჩანაწერი, რომელიც ხელისუფლებამ თავადვე გაავრცელა.

ის, რომ გოგაშვილი არა ახალი, არამედ მიმდინარე გამოძიების ფარგლრბში დააკავეს კიდევ უფრო სასაცილოს ხდის ამბავს. გოგაშვილი სუსში 2018 წლის აგვისტოდან აღარ მუშაობს. გახსოვთ ვინმე, ვინც უკანონო მოსმენის ან გავრცელების გამო ვინმე სერიოზული თანამდებობის პირი დაეჭირათ ?

ივანიშვილი უსმენს ყველას, ვინც მისი ინტერესის სფეროში ხვდება. ასეთი კი უამრავი ადამიანია საქართველოში. ყველა, ვინც მას აკრიტიკებს ან პოტენციურ საფრთხედ აღიქვამს. უფრო მეტიც, განსაკუთრებით უსმენს და აკონტროლებს საკუთარ გარემოცვას, პარტიას, თავის პროპაგანდისტულ ტელევიზიებს. ყველას, ვისაც ფულს უხდის.

რისი თქმა მსურს ამით :

გოგაშვილი არ დაუკავებიათ იმისთვის, რომ ადამიანებს, მათ შორის ჟურნალისტებსაც, უსმენდა, ჩანაწერებს უვრცელებდა ან ემუქრებოდა გავრცელებით, რასაც, ეჭვი არ მეპარება, ნამდვილად აკეთებდა და ამ სისტემის სათავები სწორედ ბიძინა ივანიშვილი დგას;

გოგაშვილი არც თემირლან მაჩალიკაშვილის მკვლელობის საქმეზე დაუკავებიათ. შესაბამისად, ქართული ოცნების პირობებში ვერც ამ საქმეზე აღსრულდება მართლმსაჯულება, რადგან მთელი ხელისუფლებაა ჩართული თემირლანის მკვლელობასა და მერე საქმის გაყალბების დანაშაულში. ასე რომ, გოგაშვილის დაკავება არანაირი სამართალი არ არის თემირლანის ნაწილში. უფრო მეტიც, საქმე საერთოდ დახურეს;

გოგაშვილი არც იმ უამრავი სხვა უკანონობისთვის დაუკავებიათ, რასაც წლების განმავლობაში სუსი ჩადიოდა და ჩადის.

გოგაშვილი დააკავეს ერთადერთი მოზეზით – ის პრობლემა გახდა ივანიშვილისთვის. ჩემი ღრმა რწმენით, ეს ადამიანი უამრავ დანაშაულშია გარეული, მაგრამ ახლა დაჭერილია მხოლოდ ოლიგარქის ბრძანების საფუძველზე იმისთვის, რომ შური იძიონ, გატეხონ და გააჩუმონ.

ეს არის რეალობა.

ახლა საინტერესოა, რა გაგრძელება ექნება ამ ფაქტს – მოახერხებენ, რომ გააჩუმონ თუ გველოდება სერიალი ქართული ოცნების დანაშაულების შესახებ.

ამ სტატუსს ვწერ ადამიანი, რომელსაც, ისევე, როგორც უამრავ ჩემს კოლეგას, ყოველდღიურად უსმენენ და თავის დროზე ამას გოგაშვილის მონაწილეობითაც აკეთებდნენ, მაგრამ ამ უკანონობის გამო არ არის ის დაკავებული.

ეს უნდა გავიაზროთ. არ ვიცი, დალაგდებიან რამეზე თუ ვერა ეგ და ბიძინა, მაგრამ ფაქტი ფაქტად რჩება. დაკავება – ივანიშვილის პირადი ბრძანებაა. კარგად რომ ჰქონდეს საქმე, ივანიშვილი ამ ნაბიჯს არ გადადგამდა. სხვებსაც უგზავნის სიგნალს, რომ სისტემასთან დაპირისპირება არავის ეპატიება. სუსზე დგას დიდწილად.

იმედია, გოგაშვილმა იზრუნა წინასწარ ინფორმაციის გავრცელების ხერხებზე. ახლა ისღა დაგვრჩენია, ველოდოთ, გარისკავს თუ არა.“